سەيسەنبى كۇنى اۆستراليادا كوروناۆيرۋس جۇقتىرۋ بويىنشا انتيرەكورد تىركەلدى دەپ حابارلايدى almaty-akshamy.kz
حالىق تىعىز قونىستانعان جاڭا وڭتۇستىك ۋەلس شتاتىندا 23 131 ناۋقاس، ال ۆيكتوريا شتاتىندا 14 020 ناۋقاس انىقتالدى. جالپى بۇكىل ەل اۋماعىندا ءبىر كۇندە اۋرۋ جۇقتىرۋ كورسەتكىشى 50 مىڭنان اسىپ كەتتى.
ەلدە ىندەتتىڭ ءورشۋى دەنساۋلىق ساقتاۋ جۇيەسىنە ۇلكەن اۋىرتپالىق ءتۇسىرىپ وتىر. اۆستراليانىڭ ءۇش وڭىرىندە تەستىلەۋ ورتالىقتارى جابىلىپ جاتىر. ۆيكتوريا شتاتىندا وسىنداي 54 مەكەمە جۇمىسىن توقتاتتى. بۇعان مامانداردىڭ جەتىسپەۋى نەمەسە زەرتحانالاردا جۇمىستىڭ تىم كوبەيىپ كەتۋى سەبەپ بولعان.
ماماندار كۇنى-تۇنى جانە دەمالىسسىز جۇمىس ىستەپ كەلدى. زەرتحانالاردا وڭدەلمەگەن ساراپتاما تولىپ كەتتى. ءىرى قالالاردا جۇرت تەستىلەۋدەن ءوتۋ ءۇشىن تۇندە ۇزىن-سونار كەزەككە تۇرۋعا ءماجبۇر بولعان.