شىعىس قازاقستان وبلىسىنىڭ پوليسيا دەپارتامەنتىنىڭ مالىمەتىنشە، 31 جاستاعى جەرگىلىكتى تۇرعىن ۆانداليزم بويىنشا كۇدىككە ءىلىندى، دەپ حابارلايدى aqshamnews.kz
ريددەردە ءتارتىپ ساقشىلارى داڭق وبەليسكىسىندەگى ماڭگىلىك الاۋدا تاۋىق ەتىن قۋىرعان ەر ادامدى ۇستادى.
ونىڭ جەكە باسىن انىقتاۋ ءۇشىن پوليسەيلەر جاقىن ماڭداعى اۋدانداردى تەكسەرىپ، بەينەباقىلاۋ كامەرالارىنىڭ جازبالارىن قاراپ، كۋاگەرلەردەن جاۋاپ العان.
“بۇزاقى كەشەندى جەدەل ءىس-شارالار بارىسىندا ۇستالدى. ول “عيماراتتاردى، وزگە دە قۇرىلىستاردى، تۇرعىنجايلاردى، ورتاق پايدالانۋداعى ورىنداردى، كولىك قۇرالدارىنداعى جانە باسقا دا قوعامدىق جەرلەردەگى مۇلىكتى قورلاۋ” بابى بويىنشا جاۋاپكەرشىلىككە تارتىلدى. سوت شەشىمىمەن ول بەس تاۋلىككە اكىمشىلىك قاماۋعا الىندى”، – دەپ حابارلادى دەپارتامەنت وكىلدەرى.
ۆەدومستۆو بارلىق ادامعا تاريحي ەسكەرتكىشتەر مەن قوعامدىق ماڭىزى بار نىسانداردى قۇرمەتتەۋ كەرەك ەكەنىن ەسكەرتتى. مۇنداي ارەكەتتەر زاڭبۇزۋشىلىق اكىمشىلىك نەمەسە قىلمىستىق جاۋاپكەرشىلىككە اكەلىپ سوعاتىنىن اتاپ ءوتتى.