رەسپۋبليكا بويىنشا نايزاعاي ويناپ، جەل كۇشەيەدى
«قازگيدرومەت» رمك-سى مامىردىڭ 3ء-ى كۇنگى كۇن رايى بولجامىن جاريالادى، دەپ حابارلايدى Almaty-akshamy.kz.
كاسىپورىن تاراتقان دەرەكتەرگە قاراعاندا، 3 مامىردا اتموسفەرالىق فرونتالدى بولىكتەردىڭ وتۋىنە بايلانىستى رەسپۋبليكانىڭ باسىم بولىگىندە كۇن كۇركىرەپ، جاڭبىر جاۋادى، ەلدىڭ تاۋلى اۋداندارىندا، وڭتۇستىك-شىعىسىندا قاتتى جاڭبىر جاۋادى. رەسپۋبليكا بويىنشا نايزاعاي ويناپ، جەل كۇشەيەدى، ەلدىڭ وڭتۇستىگىندە، وڭتۇستىك-شىعىسىندا بۇرشاق جاۋادى.
تۇركىستان وبلىسىنىڭ سولتۇستىگىندە، باتىسىندا، تاۋلى، تاۋ بوكتەرىندەگى اۋداندارىندا نايزاعاي ويناپ، داۋىل تۇرادى، جەل 15-20 م/س جىلدامدىقپەن ەسەدى، كۇندىز تاۋلى اۋدانداردا بۇرشاق جاۋادى.
تۇندە جامبىل وبلىسىنىڭ سولتۇستىگىندە، تاۋلى اۋداندارىندا، كۇندىز سولتۇستىگىندە، وڭتۇستىك-باتىسىندا، وڭتۇستىك-شىعىسىندا، تاۋلى اۋداندارىندا نايزاعاي ويناپ، بۇرشاق جاۋادى، كۇندىز وڭتۇستىك-باتىسىندا، سولتۇستىك-شىعىسىندا جانە وبلىستىڭ تاۋلى اۋداندارىندا جەل 15-20 م/س دەيىن كۇشەيەدى.
كۇندىز الماتى وبلىسىنىڭ سولتۇستىگىندە، وڭتۇستىگىندە، تاۋلى اۋداندارىندا نايزاعاي وينايدى، جەل 15-20 م/س جىلدامدىقپەن ەسىپ، ەكپىنى 25 م/س بولادى.
ماڭعىستاۋ وبلىسىنىڭ باتىسىندا، وڭتۇستىگىندە، ورتالىعىندا نايزاعاي وينايدى، وبلىستىڭ باتىسىندا – جەلدىڭ ەكپىنى 15-20 م/س-قا دەيىن جەتەدى.
سولتۇستىك قازاقستان وبلىسىنىڭ سولتۇستىگىندە، شىعىسىندا، كۇندىز اقتوبە وبلىسىنىڭ شىعىسىندا جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى.
قوستاناي وبلىسىنىڭ شىعىسىندا تۇمان تۇسەدى، وبلىستىڭ وڭتۇستىگىندە جەلدىڭ ەكپىنى 15-20 م/س-قا دەيىن كۇشەيەدى.
قىزىلوردا وبلىسىنىڭ ورتالىعىندا نايزاعاي وينايدى، سولتۇستىكتە، وڭتۇستىكتە، شىعىستا جەل 15-20 م/س-قا دەيىن كۇشەيەدى.
قاراعاندى وبلىسىنىڭ سولتۇستىگىندە، وڭتۇستىگىندە، شىعىسىندا جەل 15-20 م/س جىلدامدىقپەن ەسەدى، وبلىستىڭ وڭتۇستىگىندە نايزاعاي وينايدى.
شىعىس قازاقستان وبلىسىنىڭ وڭتۇستىگىندە نايزاعاي وينايدى، جەلدىڭ جىلدامدىعى سەكۋندىنا 15-20 مەترگە دەيىن جەتەدى.
اقمولا وبلىسىنىڭ سولتۇستىگىندە تۇندە جانە تاڭەرتەڭ تۇمان تۇسەدى.
باتىس قازاقستان وبلىسىنىڭ وڭتۇستىگىندە، اقتوبە وبلىسىنىڭ سولتۇستىگىندە، ورتالىعىندا، پاۆلودار وبلىسىنىڭ ورتالىعىندا توتەنشە ءورت ءقاۋپى ساقتالادى.