روبوتاكسي 2024 جىلى جۇمىسىن باستايدى
يلون ماسك جۇرگىزۋشىسىز تاكسي جاساپ شىعارۋعا ۋادە بەردى. روبوتاكسي Tesla-نىڭ بازاسىندا ىسكە قوسىلادى دەپ حابارلايدى Almaty-akshamy.kz Baq.kz-كە سىلتەمە جاساپ.
Lenta.ru سايتىنىڭ مالىمەتىنشە، ينۆەستورلار الدىندا بيىلعى جىلدىڭ ءبىرىنشى توقسانىنىڭ ەسەپ بەرۋى كەزىندە يلون ماسك پيلوتسىز تاكسي جاساپ جاتقاندارىن مالىمدەدى. كاسىپكەر جوبا سۇرانىسقا يە بولاتىنىنا ءارى كوممەرسيالىق تۇرعىدان ءتيىمدى ەكەندىگىنە سەنىمدى.
قوعامدىق كولىكتىڭ جاڭا ءتۇرىن ماسك كورپوراسيانىڭ العا جىلجۋىنىڭ بولاشاق درايۆەرلەرىنىڭ ءبىرى دەپ اتادى. ونىڭ ايتۋىنشا، جاڭا جوبانى ىسكە اسىرۋعا دايىندىق قىزۋ جۇرگىزىلۋدە. روبوتاكسي 2024 جىلى جۇمىسىن باستايدى.
وسىلايشا، امەريكالىق كونسەرنگە ەكى جىل ىشىندە تۇجىرىمداماسىن ايقىنداپ، ءپروتوتيپىن جاساپ، پيلوتسىز اۆتوكولىكتەردى سىناقتان وتكىزىپ، ونىڭ ءوندىرىسىن ىسكە قوسۋمەن قاتار، زاڭ تۇرعىسىنداعى ماسەلەلەردى شەشىپ ۇلگەرۋ قاجەت. الايدا روبوتتالعان كولىكتەر قالا كوشەلەرىندە جۇرەتىن كۇن قاشان تۋاتىنى ءالى بەلگىسىز.