كولىك مينيسترلىگى جاڭا حالىقارالىق اۋە مارشرۋتتارىن ىسكە قوسۋ اياسىندا تۇراقتى جۇمىس جۇرگىزۋدە. ماسەلەن، وسى جىلدىڭ مامىر ايىنان باستاپ قازاقستاننان 10 ەلگە ۇشۋعا مۇمكىندىك بەرەتىن جاڭا اۋە باعىتتارى اشىلادى. بۇل مەملەكەتتەردىڭ قاتارىندا ماجارستان، گەرمانيا، تۇركيا، گرۋزيا، ازەربايجان، قىرعىزستان، وزبەكستان، جۇڭگو، كورەيا جانە ۆەتنام بار، دەپ حابارلايدى aqshamnews.kz
«SCAT» اۋە كومپانياسى مامىر ايىندا شىمكەنت قالاسىنىڭ اۋەجايىنان تومەندەگىدەي جاڭا اۋە مارشرۋتتاردى اشۋدى جوسپارلاپ وتىر:
- 27 مامىردان باستاپ:
شىمكەنت – بۋداپەشت (ماجارستان)، اپتاسىنا 2 رەيس؛
شىمكەنت – ميۋنحەن (گەرمانيا)، اپتاسىنا 3 رەيس؛
- 29 مامىردان باستاپ:
شىمكەنت – شانحاي (جۇڭگو)، اپتاسىنا 2 رەيس؛
شىمكەنت – سەۋل (كورەيا)، اپتاسىنا 2 رەيس؛
سونداي-اق «Air Astana» اۋە كومپانياسى ءبىرقاتار جاڭا حالىقارالىق اۆيامارشرۋتتاردى ىسكە قوسۋدى جوسپارلاپ وتىر:
- 14 مامىردان باستاپ: استانا – دانانگ (ۆەتنام)، اپتاسىنا 2 رەيس؛
- 27 مامىردان باستاپ: اتىراۋ – تبيليسي (گرۋزيا)، اپتاسىنا 3 رەيس؛
- 28 مامىردان باستاپ: الماتى – وش (قىرعىزستان)، اپتاسىنا 4 رەيس؛
- 31 مامىردان باستاپ: اتىراۋ – باكۋ (ازەربايجان)، اپتاسىنا 3 رەيس؛
«Fly Arystan» اۋە كومپانياسى:
- 18 مامىردان باستاپ: الماتى – قۇلجا (جۇڭگو)، اپتاسىنا 2 رەيس؛
- 28 مامىردان باستاپ: استانا-گازيپاشا (تۇركيا)، اپتاسىنا 2 رەيس؛
وزبەكستاندىق «My Freighter» (Centrum Air) اۋە كومپانياسى بيىلعى جىلدىڭ 5 مامىرىنان باستاپ اپتاسىنا 2 رەيس جيىلىگىمەن الماتى – تاشكەنت (وزبەكستان) باعىتىن ىسكە قوستى.
سونداي-اق، وسى جىلدىڭ 13 مامىرىنان باستاپ «Azerbaijan Airlines» اۋە كومپانياسى استانا – باكۋ (ءازىربايجان) باعىتى بويىنشا رەيستەردىڭ جيىلىگى اپتاسىنا 3-تەن 4 رەتكە دەيىن ۇلعايتۋدى جوسپارلاپ وتىر.