"قازگيدرومەت" رمك وكىلدەرى مامىر ايىنا ارنالعان كونسۋلتاتيۆتىك اۋا رايى بولجامىن ۇسىندى، دەپ حابارلايدى اlmaty-akshamy.kz.
"ءبىر اي بويى اۋا رايى تۇراقسىز بولادى، جاڭبىر جاۋىپ، نايزاعاي بولادى، ەكپىندى جەل سوعادى، كەي جەرلەردە بۇرشاق تۇسەدى. كوپ كۇن بويى جوعارى تەمپەراتۋرالىق فون ساقتالادى دەپ كۇتىلۋدە: رەسپۋبليكانىڭ سولتۇستىك بولىگىندە كۇندىز اۋا تەمپەراتۋراسى +35°C دەيىن، وڭتۇستىك بولىگىندە +40°C دەيىن ىستىق بولادى"، - دەدى "قازگيدرومەت" رمك باسپا ءسوز حاتشىسى الينا يسماگۋلوۆا وكق الاڭىندا وتكەن بريفينگتە.
سۋىق تولقىنداردا اۋا تەمپەراتۋراسىنىڭ تومەندەۋى كۇتىلەدى: سولتۇستىك، شىعىس جانە ورتالىق ايماقتاردا، سونداي-اق ەلدىڭ وڭتۇستىك-شىعىسىنداعى تاۋلى اۋدانداردا تۇندە -5 گرادۋسقا دەيىن، كۇندىز +15°C دەيىن؛ باتىستا جانە ق ر وڭتۇستىك بولىگىندە - تۇندە +5 گرادۋسقا دەيىن، كۇندىز +26°C دەيىن.
"مامىر ايىندا اۋا تەمپەراتۋراسى رەسپۋبليكانىڭ باسىم بولىگىندە نورمادان 1-2° جوعارى بولادى دەپ كۇتىلۋدە. مامىر ايىندا جاۋىن-شاشىن مولشەرى ەلىمىزدىڭ باتىسىندا، وڭتۇستىك، ورتالىق وڭىرلەرىندە شامادان تىس كوپ بولادى دەپ بولجانىپ وتىر"، - دەدى "قازگيدرومەت" باسپا ءسوز حاتشىسى.
بولجام بويىنشا:
ايدىڭ كوپ بولىگىندە جوعارى تەمپەراتۋرا كورسەتكىشى باسىم بولادى دەپ كۇتىلۋدە: رەسپۋبليكامىزدىڭ سولتۇستىك جارتىسىندا كۇندىز اۋا +25+35°C دەيىن ىسۋى مۇمكىن؛ وڭتۇستىك جارتىسىندا +30+40°C دەيىن.
سۋىق تولقىندار اسەرىنەن اۋا تەمپەراتۋراسىنىڭ تومەندەۋى كۇتىلەدى: سولتۇستىك، شىعىس جانە ورتالىق ايماقتاردا، سونداي-اق ەلدىڭ وڭتۇستىك-شىعىسىنداعى تاۋلى ايماقتاردا تۇندە -5+5°C دەيىن، كۇندىز +10+15°C دەيىن؛ ەلىمىزدىڭ باتىسىندا جانە وڭتۇستىك جارتىسىندا تۇندە +5+15°C دەيىن، كۇندىز +16+26°C دەيىن جىلى بولماق.
مامىر ايىندا رەسپۋبليكانىڭ باسىم بولىگىندە ورتاشا ايلىق اۋا تەمپەراتۋراسى نورمادان 1-2° جوعارى، باتىس ايماقتاردا نورما شاماسىندا كۇتىلەدى. مامىر ايىندا جاۋىن-شاشىن مولشەرى رەسپۋبليكانىڭ باسىم بولىگىندە نورما شاماسىندا، ەلدىڭ قيىر باتىسىندا نورمادان جوعارى، قازاقستاننىڭ وڭتۇستىك، ورتالىق وڭىرلەرىندە نورمادان از بولادى دەپ بولجانۋدا.