ايلىق ينفلياسيا 0،6%-عا ءوستى.
ۇلتتىق بانكى ەل وڭىرلەرىندەگى ينفلياسيا تۋرالى ءمالىم ەتتى، دەپ حابارلايدى Almaty-akshamy.kz
2023 جىلدىڭ مامىر ايىندا ەلدە جىلدىق ينفلياسيا باياۋلاپ، 15،9%-دى قۇرادى (ساۋىردە – 16،8%). ايماقتار بويىنشا ينفلياسيا بارلىق 19 وڭىردە باسەڭدەدى. ال 1 وڭىردە (اقمولا وبلىسى) بۇرىنعى 17،6% دەڭگەيىندەگى ءمانىن ساقتاي وتىرىپ، وزگەرگەن جوق.
جىلدىق ينفلياسيانىڭ ەڭ جوعارى ءمانى اقمولا، ماڭعىستاۋ جانە سولتۇستىك قازاقستان وبلىستارىندا تىركەلدى.
مامىردا ازىق-تۇلىك تاۋارلارىنىڭ باعاسى ج/ج 16،5%-عا دەيىن (ساۋىردە – 17،9%) باياۋلادى. وسى توپتاعى تاۋارلاردىڭ باعاسى ماڭعىستاۋ وبلىسىندا (20،7%) بارىنشا جوعارى، ال الماتى قالاسىندا (14،3%) مەيلىنشە تومەن ءوستى.
ازىق-تۇلىككە جاتپايتىن تاۋارلار باعاسىنىڭ ءوسۋ قارقىنى ج/ج 17،2%-عا دەيىن باياۋلادى (ساۋىردە – 18،2%). ەڭ جوعارى ءمان استانا قالاسىندا (23،6%)، ەڭ تومەن ءمان الماتى وبلىسىندا (14،1%) تىركەلدى.
مامىردا اقىلى كورسەتىلەتىن قىزمەت باعاسى ج/ج 13،5%-عا دەيىن باياۋلادى (ساۋىردە – 13،7%). بۇل رەتتە جالپى رەسپۋبليكالىق دەڭگەيدەن باعا اقمولا وبلىسىندا (18،1%) ءبىرشاما جوعارى، استانا قالاسىندا (10،2%) ايتارلىقتاي تومەن ءوستى.
2023 جىلعى مامىردا ەلدە ايلىق ينفلياسيا 0،6%-عا ءوستى. بۇل تاريحي ورتاشا ماننەن (2017-2021 جىلدارى مامىردا 0،5%) جوعارى.