بيىل مامىر ايىندا «باقىتتى وتباسى» تۇرعىن ءۇي باعدارلاماسىنا ازاماتتاردان ءوتىنىم قابىلدانا باستايدى. بۇل تۋرالى «وتباسى بانك» اق باسقارما ءتوراعاسى ءلاززات يبراگيموۆا ءمالىم ەتتى، دەپ حابارلايدى اlmaty-akshamy.kz.
«بيىل مامىردا «باقىتتى وتباسى» باعدارلاماسىن جالعاستىرامىز. اتالعان تۇرعىن ۇيمەن قامتۋ باعدارلاماسى وسىمەن ءتورتىنشى جىل ىسكە اسىپ كەلەدى. ول ءۇشىن بيۋدجەتتەن 51 ملرد تەڭگە كەلىپ ءتۇستى. جوسپار بويىنشا 5 وتباسىعا 2 پايىزدىق مولشەردە تۇرعىن ءۇي بەرىلەدى. سونىمەن قاتار كەلەسى ايدان باستاپ «اسكەري باسپانا» باعدارلاماسىن ىسكە قوسامىز»، - دەدى ءلاززات يبراگيموۆا ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، بيىل 22 مىڭ ازامات تۇرعىن ءۇي نەسيەسىنە يە بولدى.
«سونداي-اق، جىل باستالعالى 240 مىڭ قازاقستاندىق ءبىزدىڭ بانكتەن دەپوزيت اشتى. ول دەپوزيتتەرگە 4 ايدىڭ ىشىندە 511 ملرد تەڭگە اۋدارىلدى»، - دەيدى ول.