الەمدەگى ەڭ قارت ايەل، 119 جاستاعى جاپونيالىق تاناكا كانە ومىردەن وزدى، دەپ حابارلايدى اlmaty-akshamy.kz inbusiness.kz سىلتەمە جاساپ.
تاسس مالىمەتىنشە، بيىل 2 ساۋىردە تاناكا تۋعان كۇنىن اتاپ وتكەن. جاپونيالىق ايەل 1903 جىلى 2 قاڭتاردا دۇنيەگە كەلگەن. ونىڭ كۇيەۋى مەن ۇلكەن ۇلى ەكىنشى دۇنيەجۇزىلىك سوعىستا قايتىس بولدى.
ول ءومىر بويى سوعىسقا دەيىن اشىلعان كۇرىش شەلپەگىن ساتاتىن دۇكەندە جۇمىس ىستەگەن. 1970 جىلدارى زەينەتكە شىققان سوڭ بىرنەشە رەت اقش-قا بارعان. تاناكا شوكولاد پەن گازدالعان سۋسىنداردى جاقسى كوردى، ءارى ول 120 جاسقا دەيىن ءومىر ءسۇرۋدى ارمانداعان.
2005 جىلدان باستاپ جاپونيالىق ايەل فۋكۋوكاداعى قارتتار ۇيىندە تۇردى. ول 103 جاستا بولعاندا دارىگەرلەر ونى قاتەرلىكتى ىسىكتەن ەمدەپ، وتا جاساعان. سودان بەرى ايەلدى باسقا اۋىر اۋرۋلار مازالاماعان. فۋكۋوكا پرەفەكتۋراسىنىڭ مالىمەتىنشە، الەمدەگى ەڭ قارت ايەل اۋرۋحانادا قايتىس بولدى.