العاشقى ونكۇندىكتە جاڭبىر، نايزاعاي، ەكپىندى جەل بولادى.
«قازگيدرومەت» ماماندارى مامىر ايىنا ارنالعان اۋا رايى بولجامىن ۇسىندى، دەپ حابارلايدى aqshamnews.kz
مامىر ايىندا قازاقستاننىڭ باسىم بولىگىندە ورتاشا اۋا تەمپەراتۋراسى كليماتتىق نورمادان 1°س-قا جوعارى بولادى دەپ كۇتىلۋدە. شىعىس قازاقستان وبلىسىندا، الماتى وبلىسىنىڭ وڭتۇستىك-شىعىس جارتىسىندا، سونداي-اق جەتىسۋ مەن اباي وبلىستارىندا تەمپەراتۋرا نورمامەن شامالاس بولادى.
مامىرداعى جاۋىن-شاشىن مولشەرى رەسپۋبليكانىڭ كوپ وڭىرلەرىندە نورمادان تومەن بولادى دەپ بولجانادى. ال ەلىمىزدىڭ سولتۇستىك-باتىس، سولتۇستىك ايماقتارىندا، قىزىلوردا، تۇركىستان، جامبىل وبلىستارىنىڭ وڭتۇستىگىندە، سونداي-اق الماتى، شىعىس قازاقستان، جەتىسۋ مەن اباي وبلىستارىنىڭ وڭتۇستىك-شىعىسىندا جاۋىن-شاشىن مولشەرى نورماعا جۋىق جاۋادى.
مامىردىڭ ءبىرىنشى ونكۇندىگىندە جاڭبىر، نايزاعاي، ەكپىندى جەل كۇتىلەدى. ەلدىڭ وڭتۇستىگى مەن وڭتۇستىك-باتىسىندا شاڭدى داۋىلدار بولۋى مۇمكىن. تەك كەي كۇندەرى رەسپۋبليكا بويىنشا از بۇلتتى، جاۋىن-شاشىنسىز اۋا رايى كۇتىلەدى.
تەمپەراتۋرا مىناداي دياپازوندا بولادى دەپ بولجانادى:
باتىس وڭىردە تۇندە +4…+9°س-تان +9…+14°س-قا دەيىن، كۇندىز +15…+20°س-تان +22…+30°س-قا دەيىن؛
وڭتۇستىك-باتىستا تۇندە +10…+15°س-تان +12…+20°س-قا دەيىن، كۇندىز +20…+25°س-تان +25…+33°س-قا دەيىن؛
سولتۇستىك-باتىس، سولتۇستىك، شىعىس جانە ورتالىق وڭىرلەردە تۇندە 0…+5°س، كەي جەرلەردە 1–6°س ۇسىك، كەيىن +8…+15°س-قا دەيىن، كۇندىز +10…+18°س-تان +23…+30°س-قا دەيىن؛
ەلدىڭ وڭتۇستىك جارتىسىندا اۋا تەمپەراتۋراسى بىرتىندەپ جوعارىلاپ، تۇندە +5…+12°س-تان +15…+20°س-قا، كۇندىز +18…+25°س-تان +28…+35°س-قا دەيىن جەتەدى.
مامىردىڭ ەكىنشى جانە ءۇشىنشى ونكۇندىكتەرىندە ەلدىڭ كوپ بولىگىندە تۇنگى تەمپەراتۋرا +2…+7°س-تان +10…+15°س-قا دەيىن، كۇندىز +10…+15°س-تان +25…+30°س-قا دەيىن اۋىتقيدى. سۋىق انتيسيكلوننىڭ وتۋىنە بايلانىستى كەيبىر كۇندەرى تۇنگى ۋاقىتتا 1–6°س-قا دەيىن ۇسىك ءجۇرۋى مۇمكىن.
ەلدىڭ وڭتۇستىگى مەن وڭتۇستىك-شىعىسىندا اۋا تەمپەراتۋراسى +28…+36°س-قا دەيىن كوتەرىلەدى، الايدا مۇنداي ىستىق كۇندەر اۋىسىپ، تەمپەراتۋرا +20…+25°س-قا دەيىن تومەندەيتىن سالقىن كۇندەرمەن الماسۋى مۇمكىن. اركتيكالىق اۋا ماسسالارىنىڭ ەنۋىنە بايلانىستى توپىراق بەتىندە 2°س-قا دەيىن ۇسىك ءجۇرۋ ىقتيمالدىعى بار.