قازاقستاندىقتار 2022 جىلعى مامىر ايىندا ءۇش مەرەكەنى اتاپ وتەدى
بۇل - 1 مامىر - قازاقستان حالقىنىڭ بىرلىگى كۇنى، 7 مامىر - وتان قورعاۋشىلار كۇنى جانە 9 مامىر - جەڭىس كۇنى. 1 مامىر جەكسەنبى كۇنىنە تۇسپا-تۇس كەلگەندىكتەن، تاعى ءبىر دەمالىس كۇنى رەتىندە 2 مامىر قوسىلادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وتان قورعاۋشىلار كۇنى - 7 مامىر سەنبىگە كەلەدى، سوندىقتان تاعى ءبىر دەمالىس كۇنى 10 مامىرعا اۋىسادى. ال قازاقستاندىقتار 9 مامىر - جەڭىس كۇنىندە بىردەن ءتورت كۇن، ياعني 7-10 مامىر ارالىعىندا دەمالادى. وسىلايشا، دەمالىس كۇندەرىنىڭ جالپى سانى مامىردا بەس كۇندىك جۇمىس اپتاسى ءۇشىن 12 كۇن، التى كۇندىك جۇمىس اپتاسى ءۇشىن 8 كۇن بولادى.