اەك مولشەرىنىڭ وسۋىنە بايلانىستى ساقتاندىرۋ جارنالارى مەن اۋدارىمدار مولشەرى وزگەردى.
بۇل تۋرالى «الەۋمەتتىك مەديسينالىق ساقتاندىرۋ قورى» كەاق اقمولا وبلىسى بويىنشا فيليالىنىڭ ديرەكتورى ءاليا ءجۇسىپوۆا ءتۇسىندىرىپ بەردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءاليا ءجۇسىپوۆانىڭ ايتۋىنشا، 2022 جىلدىڭ 1 قاڭتارىنان باستاپ، ەڭ تومەنگى جالاقى (ەتج) مەن ايلىق ەسەپتىك كورسەتكىش (اەك) مولشەرىنىڭ وسۋىنە بايلانىستى مىندەتتى الەۋمەتتىك مەديسينالىق ساقتاندىرۋعا جارنالار مەن اۋدارىمدار مولشەرى وزگەردى.
«جۇمىس بەرۋشى جۇمىسكەردىڭ جالاقىسىنىڭ 3 پايىزىن اۋدارادى، ءبىراق 18 مىڭ تەڭگەدەن اسپايدى، ويتكەنى ەسەپتەۋ وبەكتىسى 10 ەتج اسپاۋى ءتيىس. ەگەر قىزمەتكەر 15 جەڭىلدىك ساناتىنىڭ بىرىنە جاتاتىن بولسا، وندا ول ءۇشىن اۋدارىم جاساۋدىڭ قاجەتى جوق»، - دەپ ءتۇسىندىردى ءاليا ءجۇسىپوۆا.
قىزمەتكەرلەر، ونىڭ ىشىندە ازاماتتىق-قۇقىقتىق سيپاتتاعى شارتتار بويىنشا تابىس الاتىندار ءوز تابىسىنىڭ 2 پايىزىن اۋدارادى، ءبىراق 12 مىڭ تەڭگەدەن اسپايدى، ويتكەنى ەسەپتەۋ وبەكتىسى 10 ەتج اسپاۋى ءتيىس. دارا كاسىپكەرلەر جانە جەكە تاجىريبەمەن اينالىساتىن ادامدار ءۇشىن - ەتج-نىڭ 1،4 ەسەلەنگەن مولشەرىنىڭ 5 پايىزى نەمەسە 4200 تەڭگە. ءوزىن-وزى جۇمىسپەن قامتىعان ازاماتتار بجت تولەيدى: قالا تۇرعىندارى ءۇشىن - 1 اەك نەمەسە 3 063 تەڭگە؛ اۋىل تۇرعىندارى ءۇشىن - 0،5 اەك نەمەسە 1 531،5 تەڭگە. دەربەس تولەۋشىلەر - ەتج-نىڭ 5 پايىزى نەمەسە 3000 تەڭگە. مەملەكەت ازاماتتاردىڭ جەڭىلدىكتى 15 ساناتى ءۇشىن تولەيدى، بۇل 11 ميلليوننان استام ادام. اعىمداعى جىلى ءبىر ادام ءۇشىن جارنا مولشەرى 3 614،2 تەڭگەنى قۇرايدى.
«ناۋقاستا بەلگىلەنگەن الەۋمەتتىك ءمانى بار اۋرۋ بولعان سالالىق مامانداردىڭ مەرزىمدى جوسپارعا ساي بارۋى، دياگنوستيكالىق زەرتتەۋلەر (اسپاپتىق جانە زەرتحانالىق)، سونداي-اق ۋچاسكەلىك دارىگەر مەن مەيىربيكەنىڭ قابىلداۋى جانە دارى-دارمەكپەن قامتاماسىز ەتۋ الەۋمەتتىك ماڭىزى بار اۋرۋدى امبۋلاتوريالىق دەڭگەيدە ەمدەۋ تىزبەسىنە كىرەدى. ەگەر ناۋقاستا سوزىلمالى اۋرۋدىڭ اسقىنۋى پايدا بولسا نەمەسە جوسپارلى ساۋىقتىرۋ تالاپ ەتىلسە، وندا مۇنداي ناۋقاس كۇندىزگى نەمەسە تاۋلىكتىك ستاسيونارعا جاتقىزىلۋى مۇمكىن»، - دەپ تولىقتىردى ءا.ءجۇسىپوۆا.
ول اتاپ وتكەندەي، ساقتاندىرىلماعان ناۋقاس تەگىن مەديسينالىق كومەكتىڭ كەپىلدىك بەرىلگەن كولەمىنىڭ (تمككك) تىزبەسىنە كىرەتىن قىزمەتتەردى، ياعني جەدەل مەديسينالىق كومەكتى، العاشقى مەديسينالىق-سانيتارلىق كومەكتى الا الادى. ونىڭ ىشىندە ۋچاسكەلىك دارىگەردى قابىلداۋ، اۋرۋلاردى دياگنوستيكالاۋ جانە ەمدەۋ، پروفيلاكتيكا، ساۋىقتىرۋ، يممۋنداۋ، سالاۋاتتى ءومىر سالتىن ۇستانۋ، اكتيۆ، پاتروناج، سوزىلمالى اۋرۋلارى بار پاسيەنتتەردى ديناميكالىق (ديسپانسەرلىك) باقىلاۋ، سوزىلمالى اۋرۋلار مەن الەۋمەتتىك ءمانى بار اۋرۋلاردى ەمدەۋ كەزىندە كۇندىزگى ستاسيوناردا جانە تاۋلىك بويى ستاسيوناردا مەديسينالىق كومەك كورسەتۋ،تۋبەركۋلەز بويىنشا مەديسينالىق وڭالتۋ، پاللياتيۆتىك كومەك، ترانسپلانتتاۋ، شەتەلدە ەمدەۋ، دارى-دارمەكپەن قامتاماسىز ەتۋ بار.