اباي اتىنداعى قازۇپۋ-دا «پەداگوگيكالىق سىنىپتار قۇرۋ» پيلوتتىق جوباسى اياسىندا «ماماندىعىم - ماقتانىشىم» تانىمدىق كەشى ءوتتى.
جاڭا وقۋ جىلىنىڭ باسىندا ۋنيۆەرسيتەت رەكتورى دارحان ءبىلالوۆ، اكادەميالىق ماسەلەلەر جونىندەگى پرورەكتور ماقتاعالي بەكتەمەسوۆ، الەۋمەتتىك دامۋ جونىندەگى پرورەكتور شىڭعىس نۇرلانوۆ، اكادەميالىق ماسەلەلەر جونىندەگى دەپارتامەنت ديرەكتورى حايرۋللا جانبەكوۆ، پەداگوگيكا جانە پسيحولوگيا ينستيتۋتىنىڭ پەداگوگيكا كافەدراسىنىڭ مەڭگەرۋشىسى شولپان كولۋمبايەۆا، پەداگوگيكا كافەدراسىنىڭ قاۋىمداستىرىلعان پروفەسسورى باۋىرجان سايداحمەتوۆ باستاعان شىعارماشىلىق توپ «پەداگوگيكالىق سىنىپتار قۇرۋ» تاقىرىبىندا ەلىمىزدەگى العاشقى پيلوتتىق جوبانى ازىرلەدى. ماقساتى – وقۋشى جاستاردى پەداگوگيكالىق سالاعا ەرتە بەيىندەۋ، ءمۇعالىم ماماندىعىنا قىزىعۋشىلىقتى ارتتىرۋ جانە پەداگوگيكالىق قىزمەتتە ءوزىن-وزى تاربيەلەۋ جانە پەداگوگيكالىق قىزمەتتىڭ مۇمكىندىكتەرىنە وڭ كوزقاراستى قالىپتاستىرۋ.
جوبانى جۇزەگە اسىرۋ بۇگىندە جالعاسۋدا. ايتا كەتەيىك، يدەيا اۆتورى رەكتور دارحان ءبىلالوۆ. ۋنيۆەرسيتەت باسشىلىعى بولاشاقتا ۇستازدىق ەتۋدى تاڭداعان ستۋدەنتتەرگە تەگىن گرانتتار، سونداي-اق ۇزدىك وقۋشىلارعا – وقۋ وزاتتارى مەن بەلسەندىلەرگە جەڭىلدىكتەر بەرۋ تۋرالى شەشىم قابىلدادى.
وسى جوبانى ىسكە اسىرۋ ماقساتىندا ۇيىمداستىرىلعان ءىس-شاراعا ق ر پەداگوگيكا عىلىمدارى اكادەمياسىنىڭ اكادەميگى، ەلىمىزدىڭ ەڭبەك سىڭىرگەن ۇستازى ا.ميرازوۆا، اباي اتىنداعى قازۇپۋ اكادەميالىق ماسەلەلەر جونىندەگى پرورەكتورى م.بەكتەمەسوۆ، اكادەميالىق ماسەلەلەر جونىندەگى دەپارتامەنت ديرەكتورى ح.جانبەكوۆ، پەداگوگيكا كافەدراسىنىڭ دوسەنتتەرى م. كۋرسابايەۆ پەن ب. سايداحمەتوۆ قاتىستى. ولار جوبا تۋرالى ءوز ويلارىن ءبولىستى.
كەزدەسۋگە اباي اتىنداعى دارىندى بالالارعا ارنالعان رەسپۋبليكالىق مەكتەپ-ينتەرناتىنىڭ، ك.ماندوكي اتىنداعى №154 جالپى ءبىلىم بەرەتىن مەكتەپتىڭ، №81 مەكتەپ-گيمنازياسىنىڭ جانە ش.سماعۇلوۆ اتىنداعى دارىندى بالالارعا ارنالعان ليسەي-مەكتەبىنىڭ 11 سىنىپ وقۋشىلارى كەلدى، ولار وسى پيلوتتىق جوبانىڭ نەگىزگى قاتىسۋشىلارى بولىپ سانالادى.
ا.ميرازوۆا ازاماتتاردىڭ ءبىلىم بەرۋدەگى جانە جالپى ادامدى تاربيەلەۋدەگى مۇعالىمدەردىڭ ءرولىن اتاپ ءوتىپ، ءوز ومىرىندەگى مىسالدارمەن ۇلت الدىنداعى پەداگوگيكانىڭ نەگىزگى مىندەتتەرى تۋرالى ايتىپ بەردى، ال پرورەكتور م.بەكتەمەسوۆ كەزدەسۋدى قورىتىندىلاي كەلە، بولاشاقتا ءمۇعالىم ماماندىعىن تاڭدايتىن وقۋشىلار ءۇشىن اباي ۋنيۆەرسيتەتىنىڭ ەسىگى ءاردايىم اشىق ەكەنىن اتاپ ءوتتى.
كوپشىلىكتىڭ قىزىعۋشىلىعىن تۋدىرعان بۇل كەزدەسۋ جوعارى ۇيىمداستىرۋشىلىق دەڭگەيدە جانە جان-جاقتى ديالوگ جاعدايىندا ءوتتى. قاتىسۋشىلار جوبا تۋرالى ءوز ويلارىن ءبولىستى.