ەكونوميكانىڭ وسال تۇستارىن اشىپ بەردى.
پاندەميا وزگە ايماقتارداعىداي ورتالىق ازيا ەلدەرى ەكونوميكاسىنىڭ سىرتقى كۇيزەلىستەرگە دەگەن وسال تۇستارىن اشتى. بۇل تۋرالى بىرىككەن ۇلتتار ۇيىمى باس حاتشىسىنىڭ ورىنباسارى جانە بۇۇ دامۋ باعدارلاماسى اكىمشىسىنىڭ كومەكشىسى ۋشا راو-موناري الماتىدا ءوتىپ جاتقان ورتالىق ازيا ەلدەرىنىڭ ەكىنشى وڭىرلىك تۇراقتى دامۋ ماقساتتارى سامميتىندە ايتتى، دەپ حابارلايدى Almaty-akshamy.kz Baq.kz سىلتەمە جاساپ.
وسى جولعى سامميت «COVID-تەن تىس - ورتالىق ازياداعى ادىلەتتى قالپىنا كەلتىرۋ جولىندا» تاقىرىبىمەن ءوتىپ جاتىر.
ۋشا ءراو-موناريدىڭ ايتۋىنشا، دەنساۋلىق ساقتاۋ، ەكونوميكالىق، ەكولوگيالىق جانە ساياسي توتەنشە جاعدايلاردىڭ قاباتتاسۋى، ازىق-تۇلىك، ەنەرگيا جانە شيكىزات باعالارىنىڭ رەكوردتتىق ءوسۋى، پايىزدىق مولشەرلەمەلەردىڭ ءوسۋى جانە كەلە جاتقان قارىز اۋىرتپالىعىنىڭ بارلىعى Covid-19 پاندەمياسىنان كەيىن وڭالتۋ شارالارىنا قوسىمشا سالماق بولىپ وتىر.
«پاندەميا الەۋمەتتىك قاۋىپسىزدىك جەلىلەرى مەن دەنساۋلىق ساقتاۋ جۇيەلەرىنىڭ السىزدىگىن، قوسارلى ەڭبەك نارىعىن جانە قارجىعا قول جەتكىزۋدەگى تەڭسىزدىكتى كۇشەيتتى. ءبىر بۋىن ىشىندە ءبىرىنشى رەت ءبىز 2030 جىلعا قاراي تۇراقتى دامۋ ماقساتتارىنا قول جەتكىزۋىنە جولىنداعى ساتسىزدىككە كۋا بولدىق. جاھاندىق توتەنشە كەدەيلىك دەڭگەيى 20 جىلدا العاش رەت ءوسىپ وتىر. پاندەميا باسقا ايماقتارداعىداي ورتالىق ازيا ەلدەرى ەكونوميكاسىنىڭ سىرتقى كۇيزەلىستەرگە دەگەن وسال تۇستارىن اشتى. ساۋداداعى ۇزىلىستەر، تۇتىنۋ مەن ينۆەستيسيانىڭ قۇلدىراۋى، ميگرانتتاردىڭ اقشا اۋدارىمى، مۇناي مەن مينەرالدى شيكىزات ەكسپورتىنان تۇسەتىن كىرىستەر ايماقتاعى بارلىق ەلدەردىڭ جالپى ىشكى ونىمىنە اسەر ەتۋدە. شاعىن جانە ورتا كاسىپورىندار مەن ءوزىن-وزى جۇمىسپەن قامتىعاندار، اسىرەسە، ولاردىڭ قىزمەتتەرىنە سۇرانىستىڭ تومەندەۋىنە ۇشىرايدى»، - دەدى ول.