قازاقستاندا قازاننىڭ ەكىنشى جەكسەنبىسىندە مۇگەدەكتىگى بار ادامدار كۇنى اتاپ وتىلەدى.
قازاقستان ۇكىمەتى ەرەكشە قاجەتتىلىكتەرى بار ادامدارعا قانداي جاعداي جاسالىپ جاتقانىن باياندادى، دەپ حابارلايدى Almaty-akshamy.kz.
بۇگىنگى تاڭدا قازاقستاندا تۇراتىن 705 مىڭ مۇگەدەكتىگى بار ادامنىڭ 421،5 مىڭى ەڭبەككە قابىلەتتى جاستا (59،8%)، 181،9 مىڭى زەينەتكەرلىك جاستا (25،8%) جانە 101،6 مىڭى 18 جاسقا دەيىنگى بالالار (14،4%).
«مۇگەدەكتىگى بار ادامداردى الەۋمەتتىك قورعاۋ سالاسىنداعى مەملەكەتتىك ساياسات ولاردىڭ قوعامعا تولىققاندى ينتەگراسيالانۋىنا جانە حالىقتىڭ وسى ساناتى باسقالارمەن تەڭ ءومىر ءسۇرۋى، جۇمىس ىستەۋى جانە وقۋى، قوعام ومىرىنە ەركىن قاتىسۋى، بەلگىلى ءبىر شەشىمدەر قابىلداۋى جانە ت. ب. ءۇشىن كەدەرگىلەردى ەڭسەرۋگە، جويۋعا باعىتتالعان»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
مۇگەدەكتىگى بار ادامداردىڭ قۇقىقتارى مەن زاڭدى مۇددەلەرىن قامتاماسىز ەتۋ ءۇشىن قازاقستاندا مىنالاردى قامتيتىن كوپ دەڭگەيلى الەۋمەتتىك قورعاۋ جۇيەسى جۇمىس ىستەيدى: مەملەكەتتىك كومەك جانە الەۋمەتتىك جاردەماقىلار مەن تولەمدەر تۇرىندەگى قولداۋ؛ الەۋمەتتىك وڭالتۋ شەڭبەرىندە اعزانىڭ جوعالعان فۋنكسيالارىن وتەۋ؛ ارناۋلى الەۋمەتتىك قىزمەتتەر كورسەتۋ.
مۇگەدەكتىگى بار ادامدار كورسەتىلىمدەرى مەن قارسى كورسەتىلىمدەرىن ەسكەرە وتىرىپ، مەملەكەتتىك بيۋدجەت قاراجاتى ەسەبىنەن پروتەزدىك-ورتوپەديالىق كومەكپەن، سۋردو-تيفلوتەحنيكالىق قۇرالدارمەن، كرەسلو-اربالارمەن، ساناتورلىق-كۋرورتتىق ەمدەۋمەن، مىندەتتى گيگيەنالىق قۇرالدارمەن، جەكە كومەكشىنىڭ جانە ىمداۋ ءتىلى مامانىنىڭ قىزمەتتەرىمەن قامتاماسىز ەتىلەدى.
مەملەكەت مۇگەدەكتىگى بار ادامداردى الەۋمەتتىك قامسىزداندىرۋدى جەتىلدىرۋ جونىندە تۇراقتى نەگىزدە شارالار قابىلداۋدا.
2022 جىلعى 1 قازانداعى جاعداي بويىنشا مۇگەدەكتىگى بويىنشا مەملەكەتتىك الەۋمەتتىك جاردەماقىلاردى الۋشىلاردىڭ سانى 534،6 مىڭ ادامدى قۇرايدى. 2022 جىلدىڭ قاڭتار-قىركۇيەك ايلارى ارالىعىندا رەسپۋبليكالىق بيۋدجەتتەن مۇگەدەكتىگى بويىنشا ءماج تولەۋگە 254،5 ملرد تەڭگە باعىتتالدى.
مۇگەدەكتىگى بويىنشا مەملەكەتتىك الەۋمەتتىك جاردەماقىلاردىڭ مولشەرى مۇگەدەكتىكتىڭ توبىنا جانە سەبەبىنە، سونداي-اق ءتيىستى قارجى جىلىنا ارنالعان «رەسپۋبليكالىق بيۋدجەت تۋرالى» زاڭدا بەلگىلەنگەن ەڭ تومەنگى كۇنكورىس دەڭگەيىنىڭ شاماسىنا بايلانىستى بولادى. 2022 جىلدىڭ 1 قازانىندا مۇگەدەكتىگى بويىنشا ءماج-دىڭ ورتاشا مولشەرى 53 802 تەڭگەنى قۇرادى.