"اۋىل - ەل بەسىگى" جوباسىن ىسكە اسىرۋ بارىسىن باياندالدى.
قازاقستان ۇكىمەتى اۋىلداردى دامىتۋعا قانشا قاراجات جۇمسالعانىن ايتتى، دەپ حابارلايدى Almaty-akshamy.kz inbusiness.kz cىلتەمە جاساپ.
سەناتتىڭ جالپى وتىرىسىندا ق ر پرەمەر-مينيسترىنىڭ ءبىرىنشى ورىنباسارى رومان سكليار "اۋىل - ەل بەسىگى" جوباسىن ىسكە اسىرۋ بارىسىن باياندادى.
"ەلىمىزدە 6293 اۋىل بار جانە بۇل ەلدى مەكەندەردە 8 ميلليونعا جۋىق ادام تۇرادى. بۇل ءوز كەزەگىندە حالقىمىزدىڭ 41 پايىزىنا تەڭ. 2019 جىلدان باستاپ "اۋىل - ەل بەسىگى" جوباسى جۇزەگە اسىرىلىپ جاتىر. ونىڭ ماقساتى – الەۋەتى بار 3،5 مىڭ اۋىلدا ينفراقۇرىلىمدى دامىتۋ. 2019-2021 جىلدارى بۇل جوباعا 200 ملرد تەڭگە ءبولىندى. وسى قاراجات ەسەبىنەن 665 اۋىلدا ءتيىستى ينفراقۇرىلىم جاسالدى"، - دەدى رومان سكليار.
ونىڭ ايتۋىنشا، اۋىلدىڭ جاعدايىن جاقسارتۋعا جەكە ينۆەستورلار دا ۇلەس قوسىپ جاتىر. 2019 جىلدان باستاپ ولار 57 ملرد تەڭگە قاراجات سالىپ، 2 مىڭعا جۋىق جوبانى ىسكە اسىردى. بيىل "اۋىل - ەل بەسىگى" جوباسىنا 128 ملرد تەڭگە ءبولىندى. بۇل قاراجات 576 اۋىلعا باعىتتالىپ وتىر. 2023 جىلى 140 ملرد تەڭگە ءبولىنىپ، 663 اۋىل قامتىلماق.
"اۋىل حالقىنىڭ ەڭ باستى پروبلەماسى - جۇمىسپەن قامتۋ. بۇل باعىتتا نە ىستەپ جاتىرمىز؟ "باستاۋ-بيزنەس" جوباسى بويىنشا 66 مىڭ ادامدى كاسىپكەرلىككە ۇيرەتتىك، ءوز كاسىبىن اشۋ ءۇشىن 10 مىڭ اۋىل تۇرعىنى 50 ملرد ميكروكرەديت الدى، ياعني 6 پايىزبەن 7 جىلعا دەيىن. جاقىندا جامبىل وبلىسىندا ءبىر پيلوتتىق جوبانى ىسكە اسىردىق. ول بويىنشا الەۋمەتتىك كاسىپكەرلىك پالاتا ارقىلى اۋىل تۇرعىندارىنىڭ كاسىبىنە 2،5 پايىزدىق نەسيە بەرىلدى. پيلوتتىق جوبا جاقسى ناتيجە بەردى. سوندىقتان كەلەسى جىلى ونى بارلىق وڭىرگە تاراتامىز. وعان 52 ميلليارد تەڭگەدەن استام بولىنەدى. سونىڭ ەسەبىنەن 11 مىڭ جۇمىس ورنى اشىلادى دەپ جوسپارلاپ وتىرمىز"، - دەدى رومان سكليار.