دۇرىس باتارەيانىڭ قىزمەت ەتۋ مەرزىمى ەكى جىلمەن شەكتەلەدى
جۇرتشىلىق ۇيالى تەلەفونىن ورتا ەسەپپەن ەكى جىلدا ءبىر اۋىستىرادى. وسى ارالىقتا ول ەسكىرىپ ۇلگەرەدى، باتەرەياسى تەز وتىرىپ، ونداعى قوسىمشالار باياۋ جۇمىس ىستەيدى. ساراپشى ەسكى تەلەفوندى جوندەتكەننەن گورى، جاڭاسىن العان ءتيىمدى دەيدى.
جارناما اگەنتتىگىنىڭ باس ديرەكتورى سەرگەي جيتينەس گازەتا.ru باسىلىمىنا بەرگەن سۇحباتىندا سوڭعى شىققان تەلەفونداردىڭ پروسەسسورى اناعۇرلىم مىقتى، ەكرانى ۇلكەن ءارى وپتيكاسى ساپالى بولاتىنىن ايتتى، دەپ حابارلايدى Almaty-akshamy.kz.
تەلەفونداعى بارلىق مۇمكىندىكتەر دۇرىس جۇمىس ىستەۋى ءۇشىن جانە پايدالانىلاتىن قوسىمشالار تولىق جۇمىس ىستەۋى ءۇشىن باتارەياسى قۋاتتى بولۋى قاجەت. ءبىراق باتارەيانىڭ قۋاتىن ارتتىرۋ ونىڭ كولەمىنىڭ ۇلعايۋىنا اكەلەدى، بۇل سمارتفوننىڭ سالماعىنا اسەر ەتەدى.
«سوندىقتان دۇرىس باتارەيانىڭ قىزمەت ەتۋ مەرزىمى ەكى جىلمەن شەكتەلەدى، ودان كەيىن سمارتفوننىڭ جۇمىس ىستەۋ ونىمدىلىگى تومەندەيدى»،-دەيدى مامان.
ەسكى تەلەفوندى سوڭعى شىققان جاڭاسىنا اۋىستىرۋدىڭ تاعى ءبىر سەبەبى - وندىرۋشىلەردىڭ ماركەتينگتىك امالدارىنا بايلانىستى. ولار فلاگماندىق مودەلدەردى 5G، سىمسىز قۋاتتاۋ، زاماناۋي كامەرا جانە تاعى سول سياقتى قىزىقتى جاڭا مۇمكىندىكتەرمەن جابدىقتايدى. مۇنداي امالدار ادامداردى قىزىقتىرىپ، نەگە الىپ كورمەسكە دەپ وزىنە تارتا تۇسەدى.
"بۇرىن ءبىز تەلەفوننىڭ باتارەياسىن اۋىستىرىپ، تاعى بىرەر جىل پايدالاناتىنبىز. قازىرگى تاڭدا باعدارلامالىق قامتاماسىز ەتۋدىڭ كۇن ساناپ جامۋىنا بايلانىستى باتارەيانى اۋىستىرا سالۋ جەتكىلىكسىز، ويتكەنى باعدارلاما مەن قوسىمشالار تەلەفوننىڭ ەسكى مودەلىندە جۇمىس ىستەمەي قالادى"،-دەيدى سەرگەي جيتينەس.
ماماننىڭ ايتۋىنشا، ءقازىر ەسكى تەلەفوندى جوندەگەننەن گورى، جاڭاسىن ساتىپ العان ءتيىمدى.