3 قازاندا الماتىدا بەلگىلى قازاقستاندىق رەجيسسەر ازيز زايروۆتى ەسكە الۋعا ارنالعان «ماما، يا جيۆايا!» ءفيلمىنىڭ الدىن الا كورسەتىلىمى وتەدى.
فيلم «بەزگرانيچنىە ۆوزموجنوستي!» كينوتريلوگياسىنىڭ ءۇشىنشى جانە سوڭعى ءبولىمى. الەۋمەتتىك درامادا قىزى لەيكەمياعا ۇشىراعان كامەلەتكە تولماعانداردىڭ ىستەرى جونىندەگى ينسپەكتور ايەلدىڭ ءومىرى باياندالادى. كينوكارتينا انانىڭ شەكسىز ماحابباتى، بالاسىنىڭ ءومىرى ءۇشىن كۇرەسى تۋرالى، دەپ حابارلايدى aqshamnews.kz مادەنيەت جانە اقپارات مينيسترلىگىنە سىلتەمە جاساپ.
باستى رولدەردە دارىندى قازاقستاندىق اكتەرلەر سۋلتاننا شەنگەل، ادەل ماحمۋتوۆا، ءىلياس وۋتوۆ، اسلانبي مەدەۋلوۆ جانە باقىتجان ورىنباسار وينادى. سەناريي اۆتورلارى – ازيز زايروۆ پەن مۇحاممەد مامىربەكوۆ.
2022 جىلى «ماما، يا جيۆايا!» ءفيلمى العاش رەت كاننداعى الەمدىك پرەمەرادا Cannes 7th Art Awards كينوفەستيۆالىندە كورسەتىلدى. وندا ول «Grand Prix of the Silk Road countries» ەڭ جوعارى ماراپاتىنا يە بولدى. سونىمەن قاتار فيلم باسقا دا حالىقارالىق سىيلىقتار مەن جۇلدەلى ورىنداردى يەلەندى.
ازيز زايروۆتىڭ ءوزى مۇمكىندىگى شەكتەۋلى ادامداردىڭ ءبىرى بولعاندىقتان، ءومىرىن مۇگەدەك بالالار مەن ەرەسەكتەرگە كومەكتەسۋگە ارناعان. ولاردى ءوز فيلمدەرىنە تۇسۋگە ءجيى شاقىرعان. ول قازاقستاندى الەمگە تانىتا ءجۇرىپ، كوپتەگەن ادامدارعا ۇلگى بولا ءبىلدى. ارتىندا باي شىعارماشىلىق مۇرا قالدىردى. ونىڭ كينوداعى ەڭبەگى ءوزى ومىردەن وتكەننەن كەيىن دە ۋاقىت سىنىنان سۇرىنبەي كەلەدى.
ق ر مادەنيەت جانە اقپارات مينيسترلىگىنىڭ، ۇلتتىق كينونى قولداۋ مەملەكەتتىك ورتالىعى مەن «Skif» ستۋدياسىنىڭ قولداۋىمەن تۇسىرىلگەن ءفيلمدى كورەرمەندەر 3 قازاننان باستاپ الماتى، استانا، قاراعاندى، تالدىقورعان، ستەپنوگورسك، شىمكەنت، تۇركىستان جانە اقتاۋ سياقتى قالالاردا تامشالاي الادى. كورسەتىلىم وتەتىن كينوتەاترلار – «Kinopark»، «ارمان»، «Chaplin» جانە «Cinemax».