الماتى قالالىق پوليسيا دەپارتامەنتىندە قازاقستان رەسپۋبليكاسى پرەزيدەنتىنىڭ كەڭەسشىسى مالىك وتاربايەۆ پەن الماتى قالالىق قوعامدىق دامۋ باسقارماسىنىڭ باسشىسى ايدار ەسەنبەكوۆ قۇقىق قورعاۋ سالاسىنىڭ ارداگەرلەرى مەن قىزمەتكەرلەرىمەن جۇزدەستى. بۇل ماڭىزدى شارادا مەملەكەت باسشىسى قاسىم-جومارت توقايەۆتىڭ باستاماسىمەن وتكەن IV ۇلتتىق قۇرىلتايدىڭ نەگىزگى يدەيالارى مەن تۇجىرىمدارى كەڭىنەن تالقىلاندى. بۇل تۋرالى Aqshamnews.kz سايتى حابارلايدى.
مالىك وتاربايەۆ ءوز سوزىندە ۇلتتىق قۇرىلتايدا قوزعالعان ماسەلەلەر – قازاقستان حالقىنىڭ ورتاق مۇددەسىنە باعىتتالعانىن ەرەكشە اتاپ ءوتتى. اتاپ ايتقاندا، ازاماتتاردىڭ ءومىر ءسۇرۋ ساپاسىن جاقسارتۋ، وڭىرلەردى كەشەندى دامىتۋ، جاستار تاربيەسى مەن ۇلتتىق سانا – قازىرگى مەملەكەتتىك يدەولوگيانىڭ باستى باسىمدىقتارىنا اينالىپ وتىرعانىن جەتكىزدى.
پرەزيدەنت كەڭەسشىسى قۇقىق قورعاۋ سالاسى قىزمەتكەرلەرىنىڭ ەل تىنىشتىعى مەن قاۋىپسىزدىگى جولىنداعى ەڭبەگىن ەرەكشە اتاپ ءوتىپ، ولاردىڭ قوعام الدىنداعى جاۋاپكەرشىلىگىن جوعارى باعالادى.
كەزدەسۋدە قالالىق ىشكى ىستەر قىزمەتى ارداگەرلەرى كەڭەسى ءتوراعاسىنىڭ ورىنباسارى باۋىرجان راحيموۆ ۇلتتىق قۇرىلتايدا كوتەرىلگەن ماسەلەلەردىڭ ماڭىزىن ايتا كەلە، بۇل باستامالاردىڭ ەل بىرلىگىن نىعايتۋداعى ءرولىن ەرەكشە اتادى. ال ەسىرتكىمەن كۇرەس باسقارماسىنىڭ جەتەكشىسى الماتى قالاسىندا "زاڭ مەن ءتارتىپ" قاعيداتتارى اياسىندا اتقارىلىپ جاتقان شارالار جونىندە مالىمەت بەرىپ، قىلمىسپەن كۇرەستە زاماناۋي تاسىلدەر مەن تەحنولوگيالاردىڭ ەنگىزىلىپ جاتقانىن اتاپ ءوتتى.
جۇزدەسۋدى قورىتىندىلاعان مالىك وتاربايەۆ الماتى قالاسىنىڭ قۇقىق قورعاۋ ورگاندارى قىزمەتكەرلەرىنە مەملەكەت باسشىسىنىڭ ىستىق سالەمى مەن لەبىزىن جەتكىزدى. ول ءسوز اراسىندا قازاق حالقىنا «قازاق» اتاۋىنىڭ قايتارىلعانىنا بيىل 100 جىل تولعانىن ەسكە الىپ، بۇل تاريحي وقيعانىڭ ءمان-ماڭىزىنا توقتالدى. ۇلت قايراتكەرلەرى ساكەن سەيفۋللين، سۇلتانبەك قوجانوۆ، تۇرار رىسقۇلوۆ سىندى زيالىلاردىڭ ەل بولاشاعى ءۇشىن جاساعان ىستەرىن ۇلگى ەتىپ، قازىرگى ۇرپاقتى وسى قاسيەتتى اتاۋعا لايىق بولۋعا ۇندەدى.
مالىك وتاربايەۆ قۇقىق قورعاۋ سالاسىنىڭ قىزمەتى قاۋىپ-قاتەرگە تولى ەكەنىن ايتا وتىرىپ، بۇل ماماندىق – تەك ءتارتىپتىڭ ەمەس، ەرلىكتىڭ دە سيمۆولى ەكەنىن اتاپ ءوتتى. جيىن سوڭىندا ول سالا قىزمەتكەرلەرىنە الداعى ۋاقىتتا دا تابىس پەن تەك بيىكتەردەن كورىنۋگە تىلەكتەستىك ءبىلدىردى.
پرەزيدەنت كەڭەسشىسىنىڭ بۇل كەزدەسۋى – ۇلتتىق يدەولوگيانىڭ جەرگىلىكتى دەڭگەيدە جۇزەگە اسىرىلۋىن قامتاماسىز ەتۋدەگى ناقتى قادام. قۇقىق قورعاۋ ورگاندارى تەك قاۋىپسىزدىك پەن ءتارتىپتى ساقتاۋ ەمەس، سونىمەن بىرگە ۇلتتىق بىرلىك پەن تۇراقتىلىقتى قامتاماسىز ەتۋدىڭ تىرەگى رەتىندە باعالاندى. جاستار تاربيەسى، قوعامدىق قاۋىپسىزدىك پەن زاڭ ۇستەمدىگىن نىعايتۋ – ەلىمىزدىڭ بولاشاققا نىق قادام باسۋىنا جول اشادى.