سونىمەن قاتار ساۋىقتىرۋعا جاردەماقى بەرۋ ەسەبىنەن ولاردى الەۋمەتتىك قورعاۋ شارالارى كۇشەيتىلدى.
قازاقستاندا ۆەتەريناريالىق قىزمەتكەرلەردى الەۋمەتتىك قورعاۋ شارالارى كۇشەيتىلدى. بۇل تۋرالى ۇكىمەت وتىرىسىندا اۋىل شارۋاشىلىعى ءمينيسترى ەربول قاراشوكەيەۆ باياندادى.
«تاجىريبەلىك ۆەتەريناريالىق قىزمەتكەرلەردىڭ جالاقىسى ورتا ەسەپپەن 35 پايىزعا ءوستى، جالاقىعا قوسىمشا اقى تولەۋ جانە ساۋىقتىرۋعا جاردەماقى بەرۋ ەسەبىنەن ولاردى الەۋمەتتىك قورعاۋ شارالارى كۇشەيتىلدى»، – دەدى مينيستر.
سونىمەن قاتار مينيستر ۆەتەريناريالىق زاڭناماعا وزگەرىستەر مەن تولىقتىرۋلار ەنگىزۋ بويىنشا ۇسىنىستار دايىندالعانىن ايتتى. وزگەرىستەر ورتالىق جانە جەرگىلىكتى اتقارۋشى ورگانداردىڭ ۆەتەريناريالىق قىزمەتتەرى اراسىنداعى فۋنكسيالاردىڭ قايتالانۋىن بولدىرماۋعا باعىتتالعان.