اسحات ايماعامبەتوۆ مەملەكەتتىك ستاندارت عىلىمعا نەگىزدەلۋى كەرەكتىگىنە نازار اۋداردى.
ءماجىلىستىڭ الەۋمەتتىك-مادەني دامۋ كوميتەتىندە وقۋ باعدارلامالارىنىڭ مازمۇنىن جاڭارتۋ جونىندە تاقىرىپتىق وتىرىس ءوتتى، دەپ حابارلايدى aqshamnews.kz
وقۋ-اعارتۋ مينيسترلىگى ورتا ءبىلىم بەرۋ كوميتەتىنىڭ ءتوراعاسى قانىبەك جۇماشيەۆ ءار 5-7 جىل سايىن وقۋ باعدارلامالارىن قايتا قاراۋ كەرەكتىگىن ايتىپ، وسى باعىتتا جۇرگىزىلىپ جاتقان جۇمىستارعا توقتالدى.
جيىن بارىسىندا دەپۋتاتتار:
تاربيە جۇمىسىن ۇيىمداستىرۋ،
باستاۋىش مەكتەپ وقۋشىلارىنا ورىس ءتىلى ءپانىنىڭ باعدارلاماسىن جەڭىلدەتۋ،
قازاق ءتىلى گرامماتيكاسىن بىرىزدەندىرۋ،
كىتاپتاردىڭ كولەمىن ءبىر ستاندارتقا كەلتىرۋ،
تاپسىرمالاردى بالالاردىڭ جاسىنا لايىقتاپ بەرۋ،
وقۋشىلاردىڭ لوگيكالىق، سيفرلىق داعدىلارىن دامىتۋ سەكىلدى ماسەلەنى كوتەردى.
كوميتەت ءتوراعاسى اسحات ايماعامبەتوۆ مەملەكەتتىك ستاندارت عىلىمعا نەگىزدەلۋى كەرەكتىگىنە نازار اۋداردى.
جاڭا باعدارلامانى ساپالى جۇزەگە اسىرۋ ءۇشىن مەكتەپتەردى، ءتىپتى، ءبىلىم باسقارمالارىن تىكەلەي مينيسترلىككە الۋ ماسەلەسىن بىرگە قاراستىرۋ قاجەت دەدى دەپۋتات.