ەلىمىزدە ەلەكتروندى تەمەكىلەردى تاسىمالداۋعا، وندىرۋگە جانە ساتۋعا تىيىم سالىنادى.
ءتيىستى زاڭدى بۇگىن ءماجىلىس دەپۋتاتتارى ەكىنشى وقىلىمدا ماقۇلدادى، دەپ حابارلايدى Almaty-akshamy.kz.
دەپۋتات گۇلدارا نۇرىموۆانىڭ ايتۋىنشا، «كەيبىر زاڭنامالىق اكتىلەرگە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدا جاڭا ستاندارتتار قاراستىرىلعان.
«ەلەكتروندى تەمەكىلەردى (ۆەيپ) ەلگە اكەلۋگە، وندىرۋگە، ساتۋعا جانە تاراتۋعا تولىق تىيىم سالۋدى بەلگىلەيتىن نورمالار بەلگىلەندى»، دەدى دەپۋتات ءماجىلىستىڭ جالپى وتىرىسىندا.
سونداي-اق قۇجات مەديسينالىق كومەك كورسەتۋ كەزىندە كلينيكالىق حاتتامالاردى مىندەتتى تۇردە قولدانۋدى الىپ تاستايدى.
زاڭ سەناتتىڭ قاراۋىنا جىبەرىلەدى.