ءماجىلىس دەپۋتاتى جولاۋشىنىڭ ءومىرىن قۇتقارىپ قالدى

ادام ەس-تۇسسىز، كلينيكالىق ءولىم جاعدايىندا بولعان

ءماجىلىس دەپۋتاتى عالىمجان ەلەۋوۆ سەۋل-الماتى باعىتى بويىنشا ۇشقان جولاۋشىنىڭ ءومىرىن قۇتقارىپ قالدى، دەپ حابارلايدى Almaty-akshamy.kz ماجىلىسكە سىلتەمە جاساپ. 

وقيعا 30 ساۋىردە بولعان. وسىعان وراي بۇگىن ماجىلىستە «Air Astana» اۋە كومپانياسىنىڭ پرەزيدەنتى پيتەر فوستەردىڭ اتىنان كومپانيانىڭ وكىلدەرى العىس حات پەن ارنايى سىيلىق تابىس ەتتى. 

اۆياتاسىمالداۋشى كومپانيا وكىلى اتاپ وتكەندەي، ۇشاقتىڭ بورتىندا جولاۋشىلاردىڭ ءبىرىنىڭ قىسىمى تومەندەپ، ەسىن جوعالتا باستاعان. بورتسەرىكتەر سالونداعى جولاۋشىلار اراسىنان مەديسينا قىزمەتكەرلەرىن ىزدەگەن. ەر ادام كومەككە كەلدى. ول كەيىن بەلگىلى بولعانداي شەتەلگە ىسساپارمەن بارا جاتقان ماماندىعى بويىنشا دارىگەر، ءماجىلىس دەپۋتاتى عالىمجان ەلەۋوۆ بولدى.

عالىمجان ەلەۋوۆتىڭ ءوزى ايتۋىنشا، ادام ەس-تۇسسىز، كلينيكالىق ءولىم جاعدايىندا بولعان. ونىڭ قىسىمى مەن تامىر سوعۋى سيرەپ، جەدەل تۇردە رەانيماسيالىق ءىس-شارالار جۇرگىزىلگەن. 

ءماجىلىس دەپۋتاتى جولاۋشىنىڭ جۇرەك قىزمەتىن قالپىنا كەلتىرىپ، ونىڭ جاعدايىن جاقسارتا الدى. وسىلايشا، جاقىن ماڭداعى قالاعا ۇشاقتىڭ شۇعىل قونۋى قاجەت بولعان دەگەنمەن 37 جاستاعى ەر ادامنىڭ جاعدايى تۇراقتانىپ، ول ءارى قاراي ۇشۋدى جالعاستىردى.