112 مىڭنان استام مەديسينا مامانىنىڭ ءبىلىمى مەن كاسىبي دايارلىعى تەكسەرىلمەي پراكتيكاعا جىبەرىلگەن
ەسەپ كوميتەتى ەكونوميكانىڭ ناقتى سەكتورىنا اۋديت جۇرگىزۋ دەپارتامەنتى ديرەكتورىنىڭ ورىنباسارى نۇرلان قاترەنوۆ مەديسينا ماماندارىنىڭ سەرتيفيكاتسىز جۇمىس ىستەپ كەلگەنىن مالىمدەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اعىمداعى جىلدىڭ ءساۋىر ايىنا دەيىن قازاقستاندا جەكە جانە مەملەكەتتىك سەكتورلارعا 324 مىڭ مەديسينا مامانى تىركەلگەن. ونىڭ ىشىندە دارىگەرلەر - 97 مىڭ (30%)، ورتا مەديسينالىق پەرسونال - 227 مىڭ (70%) ادام.
«وسى پەرسونالدىڭ ىشىندەگى 36 954 (11%) ماماندا كلينيكالىق پراكتيكاعا رۇقسات بەرەتىن سەرتيفيكات بولماعان. ونىڭ 11 مىڭى دارىگەرلىك، 25 646 مىڭى ورتا مەديسينالىق پەرسونال»، - دەدى نۇرلان قاترەنوۆ ەسەپ كوميتەتىنىڭ وتىرىسىندا.
ونىڭ ايتۋىنشا، 112 مىڭنان استام مەديسينا مامانىنىڭ ءبىلىمى مەن كاسىبي دايارلىعى تەكسەرىلمەي پراكتيكاعا جىبەرىلگەن.
بۇرىن حابارلاعانىمىزداي، ەلىمىزدە مەديسينا ماماندارىنىڭ تاپشىلىعى 2 ەسەگە ارتقان. سونىمەن قاتار 2019-2021 جىلدارداعى اۋديت قورىتىندىسى بويىنشا ەسەپ كوميتەتى 5،8 ملرد تەڭگەنى قۇرايتىن قارجىلىق قۇقىق بۇزۋشىلىقتاردى انىقتادى. تاعى 7،5 ملرد تەڭگە بولتىن بيۋدجەت قاراجاتىنىڭ ءتيىمسىز پايدالانىلعانى تۋرالى دەرەك تىركەلگەن.