ءماجىلىس دەپۋتاتتارى حالىققا قىزمەت كورسەتۋ ورتالىقتارىن (حققو) جەكەمەنشىككە بەرۋ ماسەلەسىن قاتتى سىنعا الدى، دەپ حابارلايدى aqshamnews.kz.
دەپۋتات ەكاتەرينا سمىشليايەۆا پرەمەر-مينيستردىڭ ءبىرىنشى ورىنباسارى رومان سكلياردان حققو-رىن جەكەگە بەرۋ تۋرالى تۇسىنىكتەمە بەرۋدى تالاپ ەتتى.
سمىشليايەۆا دەپۋتاتتىق وتىرىستا بۇل شەشىمنىڭ ازاماتتاردىڭ جەكە دەرەكتەرىنىڭ قاۋىپسىزدىگىنە ءقاۋىپ توندىرەتىنىن اتاپ ءوتتى. ونىڭ ايتۋىنشا، ستراتەگيالىق ماڭىزدى مەملەكەتتىك وبەكتىلەردى جەكەمەنشىككە بەرۋ — بۇل قۇپيا اقپاراتتىڭ ۇرلانۋى نەمەسە باسقا دا قاۋىپتەردى تۋدىرۋى مۇمكىن.
بيىلعى جىلدىڭ باسىندا قابىلدانعان زاڭ جوباسى جەكە سەرىكتەستەرگە قويىلاتىن تالاپتاردى قاتاڭداتتى. بۇل وزگەرىستەردىڭ نەگىزگى ماقساتى — دەرەكتەردىڭ قاۋىپسىزدىگىن قامتاماسىز ەتۋ جانە قۇجاتتارمەن جۇمىس ىستەۋ پروسەسىن رەتكە كەلتىرۋ بولدى. سونداي-اق، زاڭداعى وزگەرىستەردىڭ ماڭىزدى باعىتى — دەلدالداردى ازايتۋ، ياعني ولاردىڭ قىزمەتىن زاڭداستىرۋ.
دەپۋتاتتىڭ پىكىرىنشە، حققو-لارعا مەملەكەتتىك باقىلاۋ ساقتالۋى قاجەت. ال جەكەمەنشىك ۇيىمداردىڭ قاتىساتىن جاعدايدىڭ وزىندە تەك قۇجاتتاردى قابىلداپ، بەرۋ پروسەسىمەن شەكتەلۋى كەرەك. بىلايشا ايتقاندا ولاردىڭ قولدارىن ۇلكەن دەرەكتەر بازاسىنا جەتكىزبەۋ كەرەك.
«از سويلە، كوپ ىستە» دەگەن جاقسى ماقال بار. جەكەشەلەندىرۋ تۋرالى داۋلى مالىمدەمەلەر جاساۋدىڭ ورنىنا، مەملەكەتتىك كورپوراسيالارعا ءىس جۇزىندە شەشىمدەر قابىلداپ، زاڭنامالىق جاڭالىقتاردى جۇزەگە اسىرۋ كەرەك. حققو-دا ءالى دە دەلدالدار كوپتەپ كەزدەسەدى. ولار كونسالتينگتىك كومپانيالارعا اينالىپ وتىر. ال شالعاي اۋىلداردا ءالى دە حالىق مەملەكەتتىك قىزمەتتەردى الۋ ءۇشىن بىرنەشە شاقىرىم جول جۇرۋگە ءماجبۇر»، — دەپ اتاپ ءوتتى سمىشليايەۆا.