ماجبۇرلەپ يەلىكتەن شىعارىلۋعا جاتاتىن جەر ۋچاسكەلەرىنىڭ تىزبەسى

قازاقستان رەسپۋبليكاسى جەر كودەكسىنىڭ 84 بابىنا، قازاقستان رەسپۋبليكاسىنىڭ «مەملەكەتتىك مۇلىك تۋرالى» زاڭىنا سايكەس، «الماتى قالاسى ناۋرىزباي اۋدانى اكىمىنىڭ اپپاراتى» كوممۋنالدىق مەملەكەتتىك مەكەمەسىنىڭ 2024 جىلعى 1 شىلدەدەگى № 01.4.456-ب حاتى نەگىزىندە، الماتى قالاسىنىڭ اكىمدىگى قاۋلى ەتەدى:

1. № 1 قالالىق كلينيكالىق اۋرۋحانانىڭ اۋماعىن كەڭەيتۋ ءۇشىن (مينەرالدى سۋ ۇڭعىمالارى) الماتى قالاسى، ناۋرىزباي اۋدانىندا ورنالاسقان جەر ۋچاسكەلەرىن مەملەكەت مۇقتاجى ءۇشىن الىپ قويۋعا بايلانىستى جەر ۋچاسكەلەرىن نەمەسە وزگە دە جىلجىمايتىن مۇلىكتى وسى قاۋلىنىڭ قوسىمشاسىنا سايكەس ماجبۇرلەپ يەلىكتەن شىعارۋ باستالسىن.

2. ماجبۇرلەپ يەلىكتەن شىعارۋ مەرزىمى 2026 جىلدىڭ 31 جەلتوقسانىنا دەيىن بەلگىلەنسىن.

3. مەنشىك يەسى جۇگىنەتىن ورىن الماتى قالاسى، بوستاندىق اۋدانى، اباي داڭعىلى، 90، 801 كەڭسە بولىپ بەلگىلەنسىن.

4. الماتى قالاسى اكىمىنىڭ اپپاراتى وسى قاۋلىنى قابىلدانعان كۇنىنەن باستاپ ءۇش جۇمىس كۇنى ىشىندە الماتى قالاسى اكىمدىگىنىڭ ينتەرنەت-رەسۋرسىن قوسا العاندا، جەرگىلىكتى بۇقارالىق اقپارات قۇرالدارىندا جاريالاۋدى قامتاماسىز ەتسىن.

5. «الماتى قالاسى جەر قاتىناستارى باسقارماسى» كوممۋنالدىق مەملەكەتتىك مەكەمەسى:

1) زاڭنامامەن بەلگىلەنگەن تارتىپتە مەنشىك يەسىن حاباردار ەتسىن جانە جەر ۋچاسكەلەرىنىڭ مەنشىك يەسىنە وتەماقى تولەۋدى قامتاماسىز ەتسىن؛

2) جەر ۋچاسكەلەرىن نەمەسە وزگە دە جىلجىمايتىن مۇلىكتى مەملەكەت مۇقتاجى ءۇشىن ماجبۇرلەپ يەلىكتەن شىعارۋ بويىنشا ءىس-شارالاردى اياقتاعاننان

كەيىن جەر ۋچاسكەلەرىن «الماتى قالاسى ناۋرىزباي اۋدانى اكىمىنىڭ اپپاراتى» كوممۋنالدىق مەملەكەتتىك مەكەمەسىنىڭ تەڭگەرىمىنە بەرسىن؛

3) قازاقستان رەسپۋبليكاسىنىڭ زاڭناماسىمەن قاراستىرىلعان وزگە دە  قاجەتتى شارالاردى قابىلداسىن. 

6. وسى قاۋلىنىڭ ورىندالۋىن باقىلاۋ الماتى قالاسى اكىمىنىڭ جەتەكشىلىك ەتەتىن ورىنباسارىنا جۇكتەلسىن.

 الماتى قالاسىنىڭ اكىمى    ە. دوسايەۆ

الماتى قالاسى اكىمدىگىنىڭ

2024 جىلعى «13» جەلتوقسان

№ 4/530-2686 قاۋلىسىنا قوسىمشا

ماجبۇرلەپ يەلىكتەن شىعارىلۋعا جاتاتىن جەر ۋچاسكەلەرىنىڭ تىزبەسى