وتكىزۋ بەكەتىنىڭ جۇمىسىن قالپىنا كەلتىرۋ تۋرالى كەلىسىمگە قول جەتكىزىلدى.
ق ر پرەمەر-مينيسترى ءاليحان سمايىلوۆ مايقاپشاعاي وتكىزۋ پۋنكتىنىڭ جۇمىسىن قالپىنا كەلتىرۋدى تاپسىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«پاندەمياعا بايلانىستى شەكتەۋلەر سالدارىنان قازاقستان-قىتاي شەكاراسىندا كولىكتەر تۇرىپ قالعانى بەلگىلى. ۋاقىتشا جابىق تۇرعان وتكىزۋ پۋنكتەرىنىڭ جۇمىسىن قالپىنا كەلتىرۋ ءۇشىن جۇڭگو تاراپىمەن 15 اقپاننان باستاپ، «نۇر جولى»، «باقتى» جانە «دوستىق» وتكىزۋ پۋنكتىلەرىنەن بولەك، مايقاپشاعاي وتكىزۋ بەكەتىنىڭ جۇمىسىن قالپىنا كەلتىرۋ تۋرالى كەلىسىمگە قول جەتكىزىلدى. ەندى وسى جۇمىستى ىسكە اسىرۋ قاجەت»، - دەدى ءاليحان سمايىلوۆ.
سونداي-اق، ول كەدەننەن الىناتىن الىم-سالىقتىق تولىق بيۋدجەتكە تولىق تۇسۋىنە نازار اۋداردى.
«كەدەندىك اكىمشىلەندىرۋ بويىنشا سيفرلاندىرۋ جۇرگىزىلۋدە قابىلدانىپ جاتقان پروسەستى وڭتايلاندىرۋعا، كەدەندىك راسىمدەر كەزىندە بيزنەستى جۇرگىزۋدى جەڭىلدەتۋگە مۇمكىندىك بەرەدى. سونىمەن قاتار، بيۋدجەتكە كەدەندىك تولەمدەر مەن سالىقتاردىڭ تولىق تولەنۋىن قامتاماسىز ەتۋ كەرەك. وسىعان بايلانىستى قارجى مينيسترلىگى «استانا-1» جانە «ءبىرىڭعاي تەرەزە» اقپاراتتىق جۇيەلەرىنىڭ ساپالى جۇمىس ىستەۋىپ قامتاماسىز ەتسىن»، - دەدى ۇكىمەت باسشىسى.