كەنىشتەگى سوڭعى قۇتقارۋشىنىڭ دەنەسى تابىلدى.
قۇتقارۋشىنىڭ دەنەسى ساراپتاما جۇرگىزۋ ءۇشىن جەدەل تەرگەۋ توبىنا بەرىلدى، دەپ حابارلايدى aqshamnews.kz pavlodarnews.kz-كە سىلتەمە جاساپ.
وبلىس اكىمى اسايىن بايحانوۆ ءىnstagram-داعى پاراقشاسىندا ايىپ تىلەۋبەرگەنوۆتىڭ تۋىستارى مەن جاقىندارىنا كوڭىل ايتتى.
"مارقۇمعا يمان بايلىعىن بەرسىن. بۇگىن ساعات 16.20-دا "مايقايىڭ-التىن" اق تاۋ-كەن اۋدانىنداعى وپىرىلعان جەردە ىزدەستىرۋ جۇمىستارىن جۇرگىزۋ كەزىندە سوڭعى قۇتقارۋشى – جۇرگىزۋشى ايىپ تىلەۋبەرگەنوۆتىڭ دەنەسى تابىلدى. قايعىلى وقيعادان كەيىن جەتى اي ۋاقىت ءوتتى. وسى ۋاقىت ىشىندە قازا بولعان جانداردىڭ تۋىستارى سياقتى ءبىز دە جوعالعان قۇتقارۋشىلاردى تابامىز دەگەن ۇمىتتە بولدىق"، - دەدى ايماق باسشىسى.
وبلىس اكىمى جوعالعان ادامداردى تابۋ ءۇشىن كۇندىز-تۇنى جۇمىس ىستەگەن بارلىق جانعا العىس ايتتى.