جەڭىستىڭ 80 جىلدىعىنا وراي قازاقستان رەسپۋبليكاسى مادەنيەت جانە اقپارات مينيسترلىگى مايدانگەر قالامگەرلەردىڭ شىعارماسىن اۋديوكىتاپ فورماتىندا ازىرلەدى.
اۋديوكىتاپتار قاتارىنا باۋىرجان مومىش ۇلىنىڭ «موسكۆا ءۇشىن شايقاس»، ءادي ءشارىپوۆتىڭ «پارتيزان قىزى»، ديحان ءابىلوۆتىڭ «مايدانبەك»، كەمەل توقايەۆتىڭ «سولدات سوعىسقا كەتتى»، قاسىم امانجولوۆتىڭ «اقىن ءولىمى تۋرالى اڭىز»، تايىر جاروكوۆتىڭ «زويا تۋرالى جىر» جانە تاحاۋي احتانوۆتىڭ «قاھارلى كۇندەر»، ءابۋ سارسەنبايەۆتىڭ «اقشا بۇلت» اتتى ەڭبەكتەرى ەندى، دەپ حابارلايدى aqshamnews.kz.
سونىمەن قاتار ءابدىجامىل نۇرپەيىسوۆتىڭ «كۇتكەن كۇن» جانە قاسىم قايسەنوۆتىڭ «پارتيزان سوقپاقتارى» شىعارمالارىنىڭ اۋديو-نۇسقاسى ازىرلەنىپ جاتىر.
اتالعان باستاما مايدانگەر قالامگەرلەردىڭ ۇلت رۋحانياتىنا قوسقان ۇلەسىن ناسيحاتتاۋعا جانە جاس ۇرپاققا پاتريوتتىق تاربيە بەرۋگە باعىتتالعان.
وقىرمان اۋديوكىتاپتاردى قازاقستان ۇلتتىق ەلەكتروندى كىتاپحاناسىنان تىڭداي الادى.
كىتاپتاردى م. بولات ۇلى، ق. احمەتجانوۆ، ش. ۇركىمبايەۆ، ب. سابىر، ب. سەيىتمامىت ۇلى، ب. بەكماعامبەتوۆ سىندى بەلگىلى ديكتورلار دىبىستادى.