ءال-فارابي اتىنداعى قازاق ۇلتتىق ۋنيۆەرسيتەتى – ەلىمىزدەگى جەتەكشى ءبىلىم جانە عىلىم وردالارىنىڭ ءبىرى. ۋنيۆەرسيتەت قابىرعاسىندا وتكىزىلەتىن ءاربىر ءىس-شارا جاس ۇرپاقتىڭ جان-جاقتى دامۋىنا، ءبىلىم مەن عىلىمعا دەگەن قىزىعۋشىلىعىن ارتتىرۋعا باعىتتالعان. وسىعان دالەل رەتىندە 2025 جىلدىڭ 27 اقپانىندا قازۇۋ-دىڭ فيلوسوفيا جانە ساياساتتانۋ فاكۋلتەتىندە وتكەن ۇلى جەڭىستىڭ تاريحي ماڭىزى مەن رۋحاني قۇندىلىقتارىن زەردەلەۋگە ارنالعان تاربيە ساعاتىن اتاپ وتۋگە بولادى.
ءىس-شارا بارىسىندا ۇلى وتان سوعىسىنىڭ سەبەپتەرى مەن نەگىزگى كەزەڭدەرى جان-جاقتى تالقىلانىپ، ونىڭ تاريحي ساباقتارى كەڭىنەن قاراستىرىلدى. سونىمەن قاتار، جەڭىستىڭ قازاق قوعامى ءۇشىن ماڭىزدىلىعى، مايدانگەرلەردىڭ ەرلىگى، سوعىس جىلدارىنداعى حالىقتىڭ بىرلىگى مەن توزىمدىلىگى ەرەكشە نازارعا الىندى. بۇل كەزەڭ – تەك قازاق حالقىنىڭ عانا ەمەس، تۇتاس وتانىن سۇيگەن حالىقتاردىڭ رۋحىن اسقاقتاتقان سىندارلى شاق بولدى.
تاربيە ساعاتى اياسىندا ستۋدەنتتەر تاريحي دەرەكتەر مەن ەستەلىكتەر نەگىزىندە وي-پىكىر الماسىپ، سۇراق-جاۋاپ فورماتىندا قىزۋ پىكىرتالاس جۇرگىزدى. ءبىرى سوعىستىڭ اۋىر كەزەڭدەرىن ەسكە الىپ، ەكىنشى دۇنيەجۇزىلىك سوعىستىڭ سەبەپ-سالدارىن تالداسا، ەندى ءبىرى مايدانگەرلەردىڭ ەرلىگىن بولاشاق ۇرپاققا جەتكىزۋدىڭ ماڭىزدىلىعىنا توقتالدى. اسىرەسە، سول كەزەڭدەگى حالىقتىڭ بىرلىگى مەن تاباندىلىعى تۋرالى ءسوز قوزعالعاندا، ءاربىر قاتىسۋشىنىڭ جۇرەگىندە ماقتانىش سەزىمى وياندى.
ينتەراكتيۆتى ءبولىم شارانىڭ مازمۇنىن بايىتىپ، ستۋدەنتتەردىڭ بىلىمدەرىن سىناۋعا، ۇلى جەڭىستىڭ قۇندىلىقتارىن تەرەڭىرەك تۇسىنۋگە مۇمكىندىك بەردى. جەڭىستىڭ رۋحاني جانە الەۋمەتتىك ماڭىزىنا قاتىستى پىكىرتالاس بارىسىندا جاس ۇرپاق مايدانگەرلەر ەرلىگىن ۇمىتپاي، سوعىس تاريحىن دارىپتەۋ قاجەتتىگىن اتاپ ءوتتى.
پەداگوگيكالىق پراكتيكا جەتەكشىم، فيلوسوفيا عىلىمدارىنىڭ دوكتورى، پروفەسسور بورباسوۆا ق.م. ستۋدەنتتەردىڭ بۇل تاقىرىپقا دەگەن قىزىعۋشىلىعى مەن تەرەڭ بىلىمدەرىن كورسەتە ءبىلۋىن ەرەكشە اتاپ ءوتتى. اتالعان شارا تاريحىمىزدىڭ بۇگىنگى ۇرپاق ءۇشىن ماڭىزدىلىعىن تاعى ءبىر مارتە دالەلدەپ، ولاردىڭ ۇلتتىق قۇندىلىقتارعا دەگەن سۇيىسپەنشىلىگىن ارتتىردى.
ۇلى جەڭىستىڭ تاريحي ماڭىزى مەن رۋحاني قۇندىلىقتارىن كەلەر ۇرپاققا جەتكىزۋ – ءبىزدىڭ باستى مىندەتىمىز. بۇل تاربيە ساعاتى ستۋدەنتتەرگە مايدانگەرلەر ەرلىگى مەن ەلدىڭ بىرلىگىن ساقتاۋدىڭ ماڭىزىن ءتۇسىندىرىپ، بولاشاقتا ەل يگىلىگى ءۇشىن ايانباي قىزمەت ەتۋگە شاقىردى.
ءال-فارابي اتىنداعى قازاق ۇلتتىق ۋنيۆەرسيتەتى – ءبىلىم مەن عىلىمنىڭ توعىسقان ورتالىعى. ۋنيۆەرسيتەت ستۋدەنتتەرگە تەك تەوريالىق ءبىلىم بەرىپ قانا قويماي، ولاردىڭ زەرتتەۋشىلىك قابىلەتتەرىن دامىتىپ، باسەكەگە قابىلەتتى مامان رەتىندە قالىپتاسۋىنا مۇمكىندىك جاسايدى. دوكتورانت رەتىندە وسىنداي ءىس-شارالاردىڭ وتكىزىلۋىنە ريزاشىلىعىمدى بىلدىرەمىن. بۇل سەكىلدى تاعىلىمدى كەزدەسۋلەر ۋنيۆەرسيتەتتىڭ حالىقارالىق دەڭگەيدەگى بەدەلىن ارتتىرىپ، ءبىلىم بەرۋ ساپاسىنىڭ جوعارى ەكەنىن تاعى ءبىر مارتە دالەلدەيدى.
ءال-فارابي اتىنداعى قازۇۋ،
ءدىنتانۋ جانە مادەنيەتتانۋ كافەدراسىنىڭ پروفەسسورى، فيلوس.ع.د. بورباسوۆا قارلىعاش مولداعالي قىزى،
ءدىنتانۋ ماماندىعىنىڭ 1-كۋرس دوكتورانتى
بەيسەمبايەۆا ايمان مۇرات قىزى