تانىمال ءانشى، قازاقستاننىڭ ەڭبەك سىڭىرگەن قايراتكەرى توقتار سەرىكوۆ جارى بەيبىت سەيدۋالييەۆامەن قالاي شاڭىراق كوتەرگەنىن ايتتى، - دەپ حابارلايدى aqshamnews.kz ءتىلشىسى.
بۇل تۋرالى ول "حابار" ارناسىنا بەرگەن سۇحباتىندا ءبولىستى.
قازاقتا ءسوز بار عوي. “دوسىڭدى جۇرتقا تاستاما” دەيتىن. يت ەكەش ءيتتىڭ ءوزى ۇيالاسىن دالاعا تاستامايدى. سونداي بەلەستەردىڭ ءبارىن بىرگە باعىندىرىپ الىپ، سونداي اتاق-دارەجەلەردىڭ بارىنە قول جەتكىزىپ الىپ، ورتا جولعا كەلگەن كەزدە مەنىڭ بەيبىتپەن ۇيلەنبەي كەتۋىم ول ءبىر “ابەستىك” بولار ەدى. قازاق دەيتىن حالىق شىنىمەن دە مەنىڭ كەلىپ، بەتىمە تۇكىرۋى مۇمكىن ەدى. قول ۇستاسىپ بىرگە جۇرگەسىن، ار مەن ۇياتتان اتتاماۋدىڭ جولىن ويلادىم. ونىڭ ۇستىنە ەكەۋمىزدىڭ اكە-شەشەمىز ءتىرى. اكە-شەشەسىنە اللا رازى بولسىن! ءجانناتتىق بولسىن دەپ تىلەيمىز! كەرەمەت مەيىربان كىسىلەر بولاتىن. مەنى بالاسىنداي جاقسى كورەتىن. ءبىز ۇيلەنەمىز، ۇيلەنبەيمىز شاتاعى جوق. بىزگە دەگەن ماحابباتى زور بولدى. اسەرەسە مەن كەلگەندە بالاسى كەلگەندەي قارسى الاتىن. ماعان “شارشاپ تۇرسىڭ عوي. توسەك سالىپ قويدىق. ۇيىقتاپ الشى” دەپ جالىناتىن. شارشاپ تۇرامىن عوي. جولدان كەلەمىن. مەنىڭ نە جەيتىنىمدى، قانداي جىلى جۇمساق جاقسى كورەتىنىمدى، ءبارىن ءبىلىپ العان. سوعان دەيىن ماماسى دايىنداپ قوياتىن. جولعا كەتىپ بارا جاتسام، تاماق سالىپ بەرەتىن. “توقتاردىڭ قارنى اشىپ قالماسىن” دەپ. ەندى، اناداي ماحابباتتان اتتاپ كەتۋ ول ەسسىزدىك بولاتىن ەدى. جاسىراتىنى جوق. ءبىر ءتۇيىر دانگە الدانعان جوقپىن. پەيىلدى كوردىم. سونداي ماحابباتتى كوردىم. ماڭگىلىك مەنىڭ ادامىم ەكەن عوي دەپ، سول كەزدە قاسىمدا قالدى. ايتپەسە، مەن ەشكىمنەن جاسىرمايمىن. ءالى كۇنگە دەيىن دە ايتامىن. ءبىزدىڭ ماحابباتىمىزعا بوگەت بولعان جاندار دا بولعان. “قوسىلماسا” دەپ تىلەگەندەر دە بولعان. اعايىن-تۋىسقاندار ەمەس. جالپى، ءبىزدىڭ ونەردە جۇرگەن ازاماتتاردىڭ دا ءبىراز كەدەرگى جاساعان كەزدەرى بولعان. ءبىز ەكەۋمىزدىڭ العا قويعان ماقساتىمىز - بىرەۋ. مۇددە - بىرەۋ. ەكەۋمىز كۇرەسىپ شىقتىق.