ۇلتتىق تەستىلەۋ ورتالىعى ماگيستراتۋراعا تۇسەتىن تالاپكەرلەرگە كەشەندى تەستىلەۋدىڭ فورماتىن ءتۇسىندىردى، دەپ حابارلايدى Almaty-akshamy.kz.
bugin.kz مالىمەتىنە سايكەس، ماگيستراتۋرا ەكى باعىتتا وقىتىلادى: عىلىمي-پەداگوگيكالىق جانە بەيىندى.
عىلىمي-پەداگوگيكالىق ماگيستراتۋرا
وقۋ مەرزىمى - 2 جىل.
تەست تاپسىرمالارىنىڭ سانى – 130، جالپى بالل – 150.
تەستىلەۋ ۋاقىتى – 235 مينۋت (3 ساعات 55 مينۋت).
كەشەندى تەستىلەۋ 3 بولىمنەن تۇرادى:
- شەت ءتىلى بويىنشا تەست (تىڭدالىم + لەكسيكا-گرامماتيكا + وقىلىم) – 50 تاپسىرما. شەكتى بالل – كەمىندە 25؛
- وقۋعا دايىندىعىن انىقتاۋعا ارنالعان تەست (سىني ويلاۋ + اناليتيكالىق ويلاۋ) – 30 تاپسىرما. شەكتى بالل – كەمىندە 7؛
- ءبىلىم باعدارلامالارى توبىنىڭ بەيىنى بويىنشا تەست: ءبىر دۇرىس جاۋابى بار ءبىرىنشى بەيىندىك پاننەن – 30 تاپسىرما، ءبىر نەمەسە بىرنەشە دۇرىس جاۋابى بار ەكىنشى بەيىندىك پاننەن – 20 تاپسىرما. ءار پاننەن شەكتى بالل – كەمىندە 7.
ءبىلىم گرانتىن تاعايىنداۋ كونكۋرسىنا قاتىسۋعا نەمەسە اقىلى وقۋعا شەكتى بالل – كەمىندە 75.
بەيىندى ماگيستراتۋرا
وقۋ مەرزىمى - 1-1،5 جىل.
تەست تاپسىرمالارىنىڭ سانى – 80، جالپى بالل – 100.
تەستىلەۋ ۋاقىتى – 160 مينۋت (2 ساعات 40 مينۋت).
كەشەندى تەستىلەۋ 2 بولىمنەن تۇرادى:
- وقۋعا دايىندىعىن انىقتاۋعا ارنالعان تەست (سىني ويلاۋ + اناليتيكالىق ويلاۋ) – 30 تاپسىرما. شەكتى بالل – كەمىندە 7؛
- ءبىلىم باعدارلامالارى توبىنىڭ بەيىنى بويىنشا تەست: ءبىر دۇرىس جاۋابى بار ءبىرىنشى بەيىندىك پاننەن – 30 تاپسىرما، ءبىر نەمەسە بىرنەشە دۇرىس جاۋابى بار ەكىنشى بەيىندىك پاننەن – 20 تاپسىرما. ءار پاننەن شەكتى بالل – كەمىندە 7.
ءبىلىم گرانتىن تاعايىنداۋ كونكۋرسىنا قاتىسۋعا نەمەسە اقىلى وقۋعا شەكتى بالل – كەمىندە 50.
شەت ءتىلىن مەڭگەرۋدىڭ جالپىەۋروپالىق ستاندارتتارىنا سايكەس شەت ءتىلىن مەڭگەرگەنىن راستايتىن ءبىر حالىقارالىق سەرتيفيكاتى بار تۇلعالار عىلىمي-پەداگوگيكالىق باعىت بويىنشا كت-نىڭ شەت ءتىلى تەستىنەن بوساتىلادى.