بۇگىن، 11 تامىزدا ماگيستراتۋراعا تۇسۋگە ارنالعان گرانت كونكۋرسىنا قۇجاتتار قابىلداۋ باستالدى، دەپ حابارلايدى Almaty-akshamy.kz
ماگيستراتۋراعا تۇسۋگە ارنالعان كەشەندى تەستىلەۋدى 40 مىڭ ادام تاپسىردى. ولاردىڭ 41%-ى شەكتى بالل جينادى. ورتاشا كورسەتكىش – 70 بالل. ەڭ جوعارى بالل – 136.ماگيستراتۋرادا وقۋعا 13 مىڭنان استام گرانت ءبولىندى.
بۇل تۋرالى عىلىم ءجانى جوعارى ءبىلىم مينيسترلىگى ءمالىم ەتتى.
تەستىلەۋ قورىتىندىسى بويىنشا 281 قاتىسۋشىنىڭ ناتيجەسى جويىلدى. ونىڭ ىشىندە 189 وقۋعا ءتۇسۋشى سمارتفون، شپارگالكا جانە باسقا دا تىيىم سالىنعان زاتتاردى الىپ وتۋگە تىرىسقانى ءۇشىن تەست تاپسىرۋ مۇمكىندىگىنەن ايىرىلدى. كەشەندى تەستىلەۋ كەزىندە ەرەجەلەردى بۇزعانى ءۇشىن اۋديتوريادان 89 ادام شىعارىلىپ، ولاردىڭ ناتيجەلەرى جويىلدى. كەشەندى تەستىلەۋگە كىرگىزۋدىڭ ءۇش دەڭگەيلى جۇيەسىنىڭ ارقاسىندا 2 بوگدە تۇلعا انىقتالدى. سونداي-اق، تەستىلەۋ بەينەجازبالارىن قايتا تەكسەرۋ ناتيجەسىندە 1 ادامنىڭ بالى جويىلدى.
بيىل ماگيستراتۋراعا ءتۇسۋ ەرەجەلەرى وزگەرگەن جوق. كەشەندى تەستىلەۋ ءۇش بلوكتان تۇرادى: شەت ءتىلى بويىنشا تەست، وقۋعا دايىندىعىن انىقتاۋعا ارنالعان تەست جانە ءبىلىم بەرۋ باعدارلامالارى توبىنىڭ بەيىنى بويىنشا تەست.
143 ءبىلىم بەرۋ باعدارلامالارى توبى بويىنشا رەسپۋبليكالىق اپەللياسيالىق كوميسسياعا 15 مىڭنان استام ءوتىنىش ءتۇستى، ونىڭ ىشىندە مازمۇنى بويىنشا – 14 مىڭ، تەحنيكالىق سەبەپتەرگە بايلانىستى – 1،4 مىڭ. اپەللياسيالىق كوميسسيانىڭ شەشىمىمەن 181 بىرەگەي تەست تاپسىرماسى قاناعاتتاندىرىلدى: مازمۇنى بويىنشا – 146، تەحنيكالىق سەبەپتەرگە بايلانىستى – 35 تاپسىرما.
شەكتى بالدار دا وزگەرىسسىز قالدى: عىلىمي-پەداگوگيكالىق باعىت بويىنشا ماگيستراتۋراعا ءتۇسۋ ءۇشىن 75 بالل، بەيىندىك باعىت بويىنشا 50 بالل جيناۋ قاجەت.