ماگيستراتۋرا مەن دوكتورانتۋراعا قۇجات قابىلداۋ ۇزارتىلدى

1 قاراشادا ماگيستراتۋراعا ءتۇسۋ ءۇشىن ەكىنشى كەشەندى تەستىلەۋگە جانە دوكتورانتۋراعا ءتۇسۋ ەمتيحاندارىنا قۇجاتتار قابىلداۋ باستالعان.

 ماگيستراتۋرا مەن دوكتورانتۋراعا ءتۇسۋ ءۇشىن قۇجات قابىلداۋ مەرزىمى 18 قاراشانى قوسا العانداعى مەرزىمگە ۇزارتىلدى، – دەپ حابارلايدى Almaty-akshamy.kz ءبىلىم جانە عىلىم مينيسترلىگىنە سىلتەمە جاساپ.

 قازاقستاندىقتاردىڭ وتىنىشتەرىن ەسكەرە وتىرىپ، ەندى كەشەندى تەستىلەۋگە قاتىسۋ ءۇشىن ءوتىنىم بەرۋ مەرزىمى تاعى ءۇش كۇنگە ۇزارتىلدى.

بۇعان دەيىن ءبىلىم جانە عىلىم ءمينيسترى اسحات ايماعامبەتوۆ الەۋمەتتىك جەلىلەردەگى پاراقشالارىندا ماگيستراتۋرا مەن دوكتورانتۋراعا قابىلداۋ جىلىنا ەكى رەت، ياعني ءداستۇرلى تۇردە جازدا جانە قوسىمشا قىستا وتەتىنىن حابارلاعان بولاتىن.

«مينيسترلىك ستۋدەنتتەردىڭ مۇددەلەرىن ءارقاشان ءبىرىنشى ورىنعا قويادى. سوندىقتان مينيستر وقۋعا ءتۇسۋ ءۇشىن تاعى ءبىر مۇمكىندىك بەرۋ تۋرالى شەشىم قابىلدادى. تەستتى ءساتتى تاپسىرعان جاعدايدا ۇمىتكەرلەر جازعى قابىلداۋ قورىتىندىسى بويىنشا ارتىق قالعان گرانتتاردى ۇتىپ الا الادى»، — دەپ اتاپ ءوتتى ءبىلىم جانە عىلىم ۆيسە-مينيسترى قۋانىش ەرعالييەۆ.