مۇحتار اۋەزوۆتىڭ امەريكاعا ساپارى كەڭەس وداعى مەن اقش ۇكىمەتىنىڭ اراسىنداعى «مادەني، تەحنيكالىق جانە ءبىلىم سالاسىنداعى قارىم-قاتىناس» تۋرالى كەلىسىمنىڭ ناتيجەسى بولاتىن.
60 جىلدان استام ۋاقىت وتكەن سوڭ، اقش ديپلوماتيالىق ميسسياسىنىڭ قولداۋىمەن قازاق جانە اعىلشىن تىلىندە جارىق كورىپ وتىر، دەپ حابارلايدى Almaty-akshamy.kz 24.kz-كە سىلتەمە جاساپ.
«كىتاپتى ۇلكەن قىزىعۋشىلىقپەن وقىدىم. ول ەكى ەلدىڭ تاريحىنداعى ەڭ قىزىقتى كەزەڭدەر تۋرالى اسەر قالدىردى. وسىدان 60 جىلدان استام ۋاقىت بۇرىن اقش پەن كەڭەس وداعى ەكى ەل اراسىنداعى مادەني بايلانىستاردى قۇرۋ ارقىلى ءوزارا تۇسىنىستىككە قول جەتكىزەمىز دەگەن كەلىسىمگە كەلدى. مۇحتار اۋەزوۆتىڭ وسىنداي مادەني قارىم-قاتىناستىڭ العاشقى دەلەگاسياسىنىڭ قۇرامىندا بولۋى ۇلكەن باقىت دەپ ەسەپتەيمىن»، - دەدى الماتىداعى اقش باس كونسۋلى كەرولاين سيەۆيدج.
جازۋشى امەريكانىڭ ءارتۇرلى سالالارداعى جەتىستىكتەرىن، تابيعاتىنىڭ اسەمدىگىن، امەريكالىقتاردىڭ تۇرمىس-تىرشىلىگىن قاعاز بەتىنە تۇسىرگەن. كىتاپتىڭ تۇساۋكەسەرىندە مۇحتار اۋەزوۆتىڭ جولساپار جازبالارىنان ۇزىندىلەر وقىلدى.
«مۇحتار اۋەزوۆ امەريكانىڭ ەڭ ءىرى قالالارىن ارالادى. ول ۆاشينگتوندا، نيۋ-يوركتە، بوستوندا، فەنيكس قالاسىندا، اريزونا شتاتىندا بولدى. ول ءتىپتى ديسنەي لەندكە باردى، گولليۆۋدتا بولدى، ۋنيۆەرسيتەتتەردە، مەكتەپتەردە كوپتەگەن كەزدەسۋلەر وتكىزدى، سونىمەن قاتار ۆاشينگتونداعى اقش كونگرەسىنىڭ كىتاپحاناسىندا بولىپ، امەريكالىق جازۋشىلارمەن جەكە كەزدەسۋلەر وتكىزگەن. قازاق جانە اعىلشىن تىلىندە جارىق كورگەن «امەريكا اسەرلەرى» كىتابىن «كىتاپ.كز» پلاتفورماسىنان قىركۇيەك ايىنىڭ سوڭىنا دەيىن تەگىن وقۋعا بولادى»، - دەيدى اۋەزوۆ ءمۇراجاي-ۇيىنىڭ ديرەكتورى ديار قونايەۆ.