بۇل تۋرالى ق ر عىلىم جانە جوعارى ءبىلىم ءمينيسترى ساياسات نۇربەك جوعارى وقۋ ورنىنىڭ 80 جىلدىق مەرەيتويىندا حابارلادى.

بۇگىنگى تاڭدا Auezov University اكادەميالىق جانە عىلىمي قىزمەتتە تاماشا ناتيجەلەر كورسەتۋدە. سوڭعى ءتورت جىلدا ۋنيۆەرسيتەت عالىمدارى حيميالىق تەحنولوگيا، قۇرىلىس، فۋد-ينجينيرينگ، بيو جانە نانوتەحنولوگيا جانە ت. ب. سالالاردا بەس ميلليارد تەڭگەدەن استام گرانتتىق جوبالار مەن باعدارلامالاردى ورىندادى.

«80 جىلدىق مەرەيتوي ءبىز ءۇشىن مەرەكەلىك ءىس-شارا عانا ەمەس، سونىمەن قاتار بۇگىنگى كۇننىڭ شىندىعىن باعالاۋ مەن ۋنيۆەرسيتەتتىڭ دامۋ بولاشاعىن تەرەڭ تالداۋ. بۇگىنگى تاڭدا اۋەزوۆ ۋنيۆەرسيتەتى قارقىندى دامىپ، ستراتەگيالىق سەرىكتەستىكتى قارقىندى دامىتۋدا»، - دەپ اتاپ ءوتتى م.اۋەزوۆ اتىنداعى وقۋ رەكتورى داريا قوجامجاروۆا.

جوو ارقاسىندا وڭىرگە ءبىر ميلليارد تەڭگەدەن استام سوماعا ينۆەستيسيالار تۇرىندەگى كوممەرسيالاندىرۋ جۇرگىزىلگەن.

بۇگىندە Auezov University ەلىمىزدە وڭىرلەر اراسىندا قۋاتتى ستۋدەنتتىك كورپۋسقا يە - جيىرما سەگىز مىڭنان استام ستۋدەنتى بار؛

- «جوو ۇزدىك وقىتۋشىسى» اتاعىنىڭ 300 يەگەرى؛

- «بولاشاق» حالىقارالىق باعدارلاماسىنىڭ 80 تۇلەگى؛

- عىلىم سالاسىنداعى مەملەكەتتىك سىيلىقتىڭ 8 لاۋرەاتى، اكادەميكتەر جانە كوررا مۇشەسى

- نوبەل سىيلىعىنىڭ لاۋرەاتى - راە كۆون چۋنگ.

ءقازىر ۋنيۆەرسيتەت ۇلتتىق جانە حالىقارالىق رەيتينگتەردە كوشباسشىلىق ورىنعا يە، ازياداعى ۇزدىك 150 ۋنيۆەرسيتەتتىڭ قاتارىنا كىرىپ، 4 QS جۇلدىزىمەن ماراپاتتالعان. سونداي-اق، «ەڭ جاسىل كامپۋس رەتىندە» Green Metric ۋنيۆەرسيتەتتەرىنىڭ تۇراقتىلىعى بويىنشا الەمدىك رەيتينگتە كوش باستاپ تۇر.

ايتا كەتەيىك، جوو تاريحىندا 5000-نان استام قورعاۋ قۇجاتتارى مەن پاتەنتتەر الىندى. عىلىمي جانە عىلىمي-تەحنيكالىق جوبالار مەن باعدارلامالاردى ورىنداۋعا 350 جەتەكشى شەتەلدىك عالىمدار تارتىلدى. 80 جىل ىشىندە ۋنيۆەرسيتەت الەمنىڭ 25 ەلىندە جۇمىس ىستەيتىن ەكى ءجۇز قىرىق مىڭ تۇلەك شىعاردى.