ازاماتتار مەن مەملەكەتتىك ورگانداردان كەلىپ تۇسكەن وتىنىشتەرگە وراي قازاقستان رەسپۋبليكاسى تۋريزم جانە سپورت مينيسترلىگى 2023 جىلى ەكى مارتە – مامىر جانە قاراشا ايلارىندا لوتەرەيا وپەراتورى – «ءساتتى جۇلدىز» اق-عا لوتەرەيا كلۋبتارىنىڭ جۇمىسىن جانە ەلەكتروندى جىلدام لوتەرەيانى ۇيىمداستىرۋدى جەتىلدىرۋ بويىنشا ۇسىنىمدار جولدادى.
مينيسترلىكتىڭ 2024 جىلعى 20 قاڭتارداعى سوڭعى ۇسىنىمدارىنا سايكەس 2024 جىلعى 30 قاڭتاردان باستاپ رەسپۋبليكا اۋماعىندا «Lotomatic» تەرمينالدارى/كيوسكىلەرى ارقىلى ەلەكتروندى جىلدام لوتەرەيانى تاراتۋ ۋاقىتشا توقتاتىلدى، دەپ حابارلايدى اlmaty-akshamy.kz.
الايدا، كەيبىر جەرلەردە «Lotomatic» «سارى-كوك» رەسمي تەرمينالدارىنا ۇقساس بەزەندىرىلگەن جالعان اپپاراتتار زاڭسىز جۇمىس جاساۋى مۇمكىن. وسىعان وراي ازاماتتاردى قىراعى بولۋدى جانە زاڭسىز لوتەرەيا تەرمينالدارىنىڭ قىزمەتتەرىن پايدالانباۋدى، سونداي-اق زاڭسىز جۇمىس ىستەپ تۇرعان «Lotomatic» كيوسكىلەرى نەمەسە لوتەرەيا تەرمينالدارىن بايقاساڭىز مينيسترلىكتىڭ Telegram (https://t.me/stop_online_casino_bot) جانە WhatsApp (+7 707 9071507) چات-بوتىنا حابارلاۋدى سۇرايمىز. ءاربىر ءوتىنىش لوتەرەيا وپەراتورى مەن قۇقىق قورعاۋ ورگاندارىمەن بىرلەسە وتىرىپ مۇقيات قارالاتىن بولادى. قۇقىق بۇزۋشىلار جاۋاپكەرشىلىككە تارتىلادى. مينيسترلىك مەملەكەتتىك ورگاندار قوعام وكىلدەرىنىڭ كومەگىمەن ەلەكتروندى لەزدىك لوتەرەيالاردىڭ زاڭسىز قىزمەتىن توقتاتىپ، ازاماتتاردىڭ قۇقىقتارى مەن مۇددەلەرىن قورعاي الاتىنىنا سەنىمدى.