الماتى وبلىسىنىڭ پوليسياسى زاڭسىز ەڭبەك ەتىپ جۇرگەن شەتەلدىك ازاماتتاردى انىقتادى.
الماتى وبلىسى پد ەكسترەميزمگە قارسى ءىس- قيمىل باسقارماسى مەن كوشى-قون قىزمەتى باسقارماسى قىزمەتكەرلەرى “ميگرانت” جەدەل الدىن الۋ شاراسىن وتكىزۋ كەزىندە ىلە اۋدانى اۋماعىندا ورنالاسقان قوقىس پوليگونىنان وزبەكستان رەسپۋبليكاسىنىڭ 40 ازاماتى ۇستالدى. تەكسەرۋ كەزىندە ولاردىڭ جەكە باسىن كۋالاندىراتىن قۇجاتتارى بولماي شىقتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«كورشى ەلدىڭ ازاماتتارى كوشى-قون زاڭناماسىن بۇزا وتىرىپ، اتالعان قوقىس پوليگونىندا زاڭسىز ەڭبەك ەتكەن. شەتەلدىك ازاماتتار جەكە باسىن انىقتاۋ ءۇشىن ىلە اۋدانى پب-عا جەتكىزىلدى. ولاردىڭ جەكە باسى انىقتالعاننان كەيىن، زاڭناماعا سايكەس جاۋاپكەرشىلىككە تارتىلاتىن بولادى»، – دەدى الماتى وبلىستىق پوليسيا باستىعى باۋىرجان الەنوۆ.