كاليفورنياداعى ورمان ورتتەرى قايتادان ءقاۋىپتى دەڭگەيگە جەتتى. جاڭا تولقىن لوس-اندجەلەس ماڭىنداعى اۋدانداردى شارپىدى. Los Angeles Times دەرەگىنە سۇيەنسەك، ءورت كاستايك كولى ماڭىنداعى اۋدانداردى قامتىپ، 31 000 ادامدى ەۆاكۋاسيالاۋ تۋرالى شەشىم قابىلداندى، دەپ حابارلايدى aqshamnews.kz
ەڭ ۇلكەن ءورت وشاقتارى پاسيفيك-پاليسەيدس پەن يتون ايماقتارىندا تىركەلدى. بۇل ورتتەر 16 187 گەكتاردان استام جەردى جويىپ، 28 ادامنىڭ ءومىرىن قيدى.
كاليفورنيا وكرۋگىنىڭ ورتكە قارسى قىزمەتىنىڭ باسشىسى ەنتوني ماررونەنىڭ ايتۋىنشا، ءورتتى ءسوندىرۋ ءۇشىن 4000-نان استام ءورت ءسوندىرۋشى جۇمىلدىرىلعان.
CNN حابارلاۋىنشا، ءورت كاستايك كولى ماڭىنداعى وكرۋگتىك تۇرمەگە ءقاۋىپ ءتوندىرىپ، 4295 ادامعا دەيىن سىيىمدىلىعى بار تۇرمەدەن 470 تۇتقىن ەۆاكۋاسيالاندى.
كاليفورنيا شتاتىنداعى ورمان ورتتەرى بىرنەشە اپتادان بەرى توقتاماي، مىڭداعان ادامداردىڭ ومىرىنە ءقاۋىپ توندىرۋدە. قۇتقارۋ شارالارى جالعاسىپ جاتىر.