لومباردتان العان قارىز نەسيە نەمەسە يپوتەكا الۋعا كەدەرگى بولمايدى.
الايدا ولاردىڭ ماقۇلدانۋىنا اسەر ەتەدى، دەپ حابارلايدى aqshamnews.kz
سەبەبى لومبارد الدىنداعى قارىز جالپى قارىزدىق جۇكتەمەنى ەسەپتەۋ كەزىندە ەسەپكە الىنادى.
قازاقستاندىقتار يپوتەكالىق نەمەسە باسقا نەسيە الۋعا ءوتىنىش بەرگەندە، بانك ونىڭ قارجىلىق جاعدايىن جانە قارىزدارىن تولەۋگە قابىلەتىن تەكسەرەدى. وعان قارىز الۋشىنىڭ باسقا دا مىندەتتەمەلەرى كىرەدى. مىسالى، نەسيەلەر، اليمەنت، ايىپپۇلدار نەمەسە باسقا دا قارىز.
ەگەر قارىز الۋشى ءوزىنىڭ تولەم قابىلەتىن دالەلدەي السا، اعىمداعى قارىزىن وتەسە جانە قاجەتتى قۇجاتتاردى ۇسىنسا، يپوتەكالىق نەمەسە باسقا نەسيەنى ماقۇلداۋ ىقتيمالدىعى ايتارلىقتاي ارتادى. وسىلايشا، لومبارد الدىنداعى قارىز نەسيە الۋعا كەدەرگى بولمايدى. ءبىراق ءوتىنىش بەرۋشىنىڭ وتەلمەگەن نەمەسە مەرزىمى وتكەن بەرەشەكتەرىنىڭ بولۋى نەسيەنى ماقۇلداۋ ىقتيمالدىعىن ازايتادى.
ءىnbusiness.kz سايتىنىڭ دەرەگىنشە، بۇل رەتتە بىرنەشە جايتتى ەسكەرۋ قاجەت. اتاپ ايتقاندا، لومباردتار كرەديتتىك بيۋرولارعا ميكروكرەديتتەر تۋرالى اقپاراتتى بەرۋگە مىندەتتى. بۇل اقپارات قارىز الۋشىنىڭ نەسيە تاريحىنىڭ ءبىر بولىگىنە اينالادى جانە ونىڭ نەسيە بويىنشا ەسەبىندە كورسەتىلەدى.
سونىمەن قاتار، قارىزدى وتەۋ مەرزiمi وتكەن جاعدايدا لومبارد قارىز ورنىنا قابىلداپ العان باعالى بۇيىمدى كەمiندە تاعى 30 كۇن ساقتاۋعا مiندەتتى. وسى ۋاقىت وتكەننەن كەيىن اتالعان بۇيىمدى ساتۋعا قۇقىلى. كەپىلگە سالىنعان ءمۇلiكتi ساتۋ كەزiندە لومباردتاعى زاتتاردى كەپiلگە بەرۋ تۋرالى شارت بۇزىلادى، بۇل رەتتە قارىز الۋشىنىڭ مiندەتتەمەلەرi جويىلادى.
كەپىل زاتتى ساتۋ اكتىسى نەمەسە ونى لومباردتىڭ مەنشىگىنە اينالدىرۋ تۋرالى شەشىم جانە قارىزدى وتەۋ تۋرالى انىقتاما سياقتى قۇجاتتار قارىزدىڭ توقتاتىلعانىن راستايدى.
نەسيەلىك ەسەپتە قامتىلعان اقپاراتپەن كەلىسپەگەن جاعدايدا، قارىز الۋشى اقپارات بەرۋشىگە (نەسيە بەرۋشىگە) نەمەسە كرەديتتىك بيۋروعا اقپاراتتى داۋلاۋ ءۇشىن جۇگىنۋگە قۇقىلى. وتىنىشتە جەكە تۇلعانىڭ تەگى، اتى، اكەسىنىڭ اتى، تۇرعىلىقتى جەرى، جەكە باسىن كۋالاندىراتىن قۇجاتتىڭ دەرەكتەمەلەرى، مالىمەتتەرى، سونداي-اق، كرەديتوردىڭ ءاتى-جونى، ءوتىنىش بەرۋشىنىڭ نەمەسە ونىڭ ۋاكىلەتتى وكىلىنىڭ قولى قويىلۋى ءتيىس. وتىنىشكە ءوتىنىش بەرۋشى كورسەتكەن بەرەشەكتى وتەگەندى راستايتىن قۇجاتتاردىڭ كوشىرمەلەرى قوسا بەرىلۋى ءتيىس. ءوتىنىشتى قاراۋ مەرزىمى كرەديتتىك بيۋروعا كەلىپ تۇسكەن كۇننەن باستاپ 15 جۇمىس كۇنىن قۇرايدى.
كرەديتتiك ەسەپتە ءمالiمەتتەردiڭ بۇرمالانۋى راستالعان جاعدايدا كرەديتور دەرەك انىقتالعان كۇننەن باستاپ 10 جۇمىس كۇنi iشiندە كرەديتتiك بيۋروعا دۇرىس ءمالiمەتتەردi بەرۋگە ءتيىس. ءوز كەزەگىندە نەسيەلىك بيۋرو ءوتىنىش بەرۋشىگە تۇزەتىلگەن نەسيەلىك ەسەپتى ۇسىنۋعا مىندەتتى.