6 قازان كۇنى اەس سالۋ ماسەلەسىنە قاتىستى رەفەرەندۋم كەزىندە ليۆاندا سايلاۋ ۋچاسكەسى بولمايدى.
بۇل تۋرالى ورتالىق رەفەرەندۋم كوميسسياسىنىڭ حاتشىسى مۇحتار ەرمان مالىمدەدى، دەپ حابارلايدى aqshamnews.kz.
سەبەبى ەلدە اسكەري قاقتىعىستار ورىن الىپ جاتىر. قازاقستان اۋماعىنان تىسقارى جەرلەردە 73 سايلاۋ ۋچاسكەسى قۇرىلعان، وتانداستارىمىز 61 ەلدە داۋىس بەرە الادى.
مۇحتار ەرمان، ورتالىق رەفەرەندۋم كوميسسياسىنىڭ حاتشىسى:
- بۇگىن عانا سىرتقى ىستەر مينيسترلىگىمەن كەڭەس وتكىزدىك. ارىپتەستەرىمىزدەن ليۆانداعى داۋىس بەرۋ ۋچاسكەسى بولمايتىنى تۋرالى اقپارات الدىق. بۇل ەلدە كەڭ اۋقىمدى اسكەري قيمىلدار ءجۇرىپ جاتقانى بەلگىلى. جاعداي وتە اۋىر، سوندىقتان ازاماتتارىمىزدىڭ ءومىرى مەن دەنساۋلىعىنا ءقاۋىپ توندىرۋگە بولمايدى. سول سەبەپتى 61 ەلدە 73 ۋچاسكە بولادى، وندا ۋچاسكەلىك كوميسسيالار زاڭ اياسىندا قىزمەتىن جۇزەگە اسىرادى.