ماگاتە-نىڭ ساياساتتى تەكسەرۋ جانە قاۋىپسىزدىك ءبولىمى ەكس-باسشىسى تاريك راۋفتىڭ پىكىرىنشە، الداعى 40 جىلدا اتومدىق ەنەرگەتيكا تۇراقتى دامۋدى كوزدەگەن مەملەكەتتەر ءۇشىن ماڭىزدى ءرول اتقارادى. قازاقستان دا بۇل ماقساتتان تىس قالمايدى، سەبەبى زياندى شىعارىندىلاردى ازايتۋ — ءبىزدىڭ باستى مىندەتىمىز. بۇۇ مالىمەتى بويىنشا، وسىنداي مىندەتتەمەلەردى 60-تان استام مەملەكەت موينىنا العان.
تاريك راۋف: "ەنەرگيا كوزدەرىنىڭ بىرنەشە ءتۇرىنىڭ قوسپاسىنا يە بولۋ ءاردايىم جاقسى. قازىرگى تاڭدا كوپتەگەن ەلدەر ەلەكتر ەنەرگياسىن وندىرۋدە سۋدى پايدالانادى. مۇناي مەن گازدان باس تارتىپ، اتومدىق ەنەرگيانى ەنگىزىپ، جاڭارتىلاتىن كوزدەردى دامىتۋعا بولادى. سوندىقتان اتومدىق ەنەرگيا الداعى 40-50 جىلدا ماڭىزدى ءرول اتقاراتىن بولادى. بۇل تۇراقتى دامۋعا، سو2 شىعارىندىلارىن ازايتۋعا كومەكتەسەدى. اتومدىق ەنەرگياسىز تۇراقتى دامۋ ماقساتتارىنا جەتۋ، كومىرقىشقىل گازى شىعارىندىلارىن تومەندەتۋ مۇمكىن ەمەس."