جامبىل اتىنداعى فيلارمونيانىڭ ۇلكەن زالىندا ت.ابدىراشيەۆ اتىنداعى ق ر مەملەكەتتىك اكادەميالىق سيمفونيالىق وركەسترىنىڭ، قازاقستاننىڭ ەڭبەك سىڭىرگەن قايراتكەرى ەربولات احمەدياروۆتىڭ ديريجەرلىك ەتۋىمەن «ليۋدۆيگ ۆان بەتحوۆەن» اتتى كونسەرتى ءوتتى.
كوركەمدىك جەتەكشىسى جانە باس ديريجەرى قانات وماروۆ. كەش قازاقستاننىڭ حالىق ءارتىسى، «قۇرمەت» جانە «پاراسات» وردەندەرىنىڭ كاۆالەرى، پروفەسسور گۇلجاميليا قادىربەكوۆانىڭ 70 جىلدىعىنا ارناپ ۇيىمداستىرىلدى.
كونسەرتتە وركەستردىڭ سۇيەمەلدەۋىمەن ب.بايقاداموۆ اتىنداعى مەملەكەتتىك حور كاپەللاسى ل.ۆ.بەتحوۆەننىڭ «فورتەپيانو، حور جانە وركەسترگە ارنالعان فانتازيا»، ي. برامستىڭ «ماحاببات اۋەندەرى» ەكى فورتەپيانو جانە حورعا ارنالعان ور. 52 شىعارماسىن ورىندادى. كوركەمدىك جەتەكشىسى جانە باس ديريجەرى قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىنىڭ كاۆالەرى - بەيىمبەت دەمەۋوۆ.
قازاقستاننىڭ ەڭبەك سىڭىرگەن قايراتكەرى ەربولات احمەدياروۆ:
«بۇگىنگى كەشتە ورىنداعان شىعارما جايلى ايتسام، فانتازيا ليۋدۆيگ ۆان بەتحوۆەننىڭ ايگىلى «9 سيمفونياسى» بار، ودا ك رادوستي دەگەن. ءدال سول سەكىلدى بۇل شىعارما مۋزىكانتتار اراسىندا مالىي ودا ك رادوستي دەپ اتالىپ كەتتى. شىعارمانىڭ ماڭىزدىلىعى – ىشىندە وپەرا جانرى مەن اسپاپتىق وركەسترگە ارنالعان قوسىلىپ ورىندالادى. ال، بۇگىنگى ساحنادا شىعارما كەڭەيتىلىپ، اسپاپتىق وركەسترمەن حور بىرىگىپ، ادەمى ۇيلەسىمدە ونەر كورسەتتى. سونىمەن قاتار، فوتەپيانودا قوسىلدى. شىعارمانىڭ ءوزى دە ستيليستيكا جاعىنان كۇردەلى، كاسىبيلىكتى تالاپ ەتەدى. بۇگىنگى كونسەرتتە ونەرپازدار ءوز شەبەرلىگىن بارىنشا كورسەتتى، كورەرمەندەرگە دە ۇنادى دەگەن ويدامىن».
كلاسسيكا مۋزىكا تاريحىندا ەرەكشە ورىن الاتىن ۇلى كومپوزيتور ليۋدۆيگ ۆان بەتحوۆەننىڭ تۋىندىلارى مۋزىكا الەمىندە كۇنى بۇگىنگە دەيىن ءوز ماڭىزدىلىعىن جوعالتقان ەمەس. كونسەرت باسىندا تىڭدارماندارعا ك.كۋفنەردىڭ بەتحوۆەننىڭ فانتازياسىنا ارنالعان پوەتيكالىق ءماتىنى تاراتىلىپ كەشكە ەرەكشە اسەر بەردى. كونسەرتتە قازاقستاننىڭ حالىق ءارتىسى، «قۇرمەت»جانە «پاراسات» وردەندەرىنىڭ كاۆالەرى، پروفەسسور گۇلجاميليا قادىربەكوۆا، «قۇرمەت» وردەنىنىڭ كاۆالەرى ەركەبۇلان ساپاربايەۆ، حالىقارالىق بايقاۋلاردىڭ لاۋرەاتتارى مايا سەپپ، ەرمەك قۇرمانايەۆ ونەر كورسەتتى.
قازاقستاننىڭ حالىق ءارتىسى گۇلجاميليا قادىربەكوۆا:
«كونسەرتتىك باعدارلاما كلاسسيكالىق رەپەرتۋاردىڭ ءبىرشاما كۇردەلى تۋىندىلارىنان قۇرالعانىنا جانە كاسىبي ماماندارعا ارنالعانىنا قاراماستان، زالداعى كورەرمەندەر بەتحوۆەن مەن برامستىڭ شىعارمالارىن زور سۇيىسپەنشىلىكپەن قابىلدادى. سيمفونيالىق وركەستر، حور جانە جەكە سوليست اراسىنداعى بىرىككەن ورىنداۋ، ۇلكەن دايىندىقتى قامتيتىن وتە كۇردەلى پروسەسس. بۇل جەردە ۇلكەن ءرول ءسوزسىز ديريجەرگە تيەسىلى ەكەنىن باسا ايتىپ، كەشتە ەكى ءىرى ۇجىمنىڭ كاسىبيلىگىن قوسا ايتقىم كەلەدى. كەش وتە جاقسى دەڭگەيدە ءوتتى».
90جىلعا جۋىق تاريحى بار فيلارمونيا ونەرپازدارىنىڭ بۇگىنگى ساحناسى - كلاسسيكا مۋزىكاسىندا اسقان ەرەكشە ۇيلەسىمدە ورىندالعان ماڭىزدى كونسەرتتەردىڭ ءبىرى بولىپ تابىلادى. ۇلى نەمىس كومپوزيتورىنىڭ شىعارمالارىنان كەشكە كەلگەن كوپشءىلىك ەرەكشە اسەر الىپ، ونەرپازداردى ىستىق ىقىلاسىنا بولەدى.
