بيىلعى جىلى الماتى قالاسى الاتاۋ اۋدانى №178 مامانداندىرىلعان ليسەيدىڭ 12 تۇلەگى مەملەكەتتىك جانە شەتەلدىك الدىڭعى قاتارلى ۋنيۆەرسيتەتتەرىنىڭ گرانتتارىن ۇتىپ الدى.
بۇل 2023-2024 وقۋ جىلىنىڭ ۇزدىك ناتيجەسى، ءارى ۇستاز، اتا-انا مەن وقۋشى «ۇشتىك وداعىنىڭ» ورتاق قۋانىشى بولماق.
اتاپ ايتساق، ءبىلىم دودالارىندا توپ جارعان 11 تۇلەك مەملەكەتتىك «تۇران» ۋنيۆەرسيتەتى، «نۇر-مۇباراك» ۋنيۆەرسيتەتى، ءال-فارابي اتىنداعى قازاق ۇلتتىق ۋنيۆەرسيتەتى، نازاربايەۆ ۋنيۆەرسيتەتى، سۋلەيمان دەميرەل ۋنيۆەرسيتەتى جانە ت.ب. ۋنيۆەرسيتەتتەردىڭ گرانتتارىن ۇتسا، ال ازامات جانيا بىرىككەن اراب امىرلىگىنىڭ 5 ۋنيۆەرسيتەتىنە، امەريكا قۇراما شتاتتارىنىڭ 4 ۋنيۆەرسيتەتىنە جولداما يەلەنگەن.
«جانيا IELTS 7.0 ناتيجەسى بويىنشا حالىقارالىق 9 ۋنيۆەرسيتەتتىڭ (اقش-تىڭ Arizona state university، Saint Leo University، The British University of Alabama، UMBC an honors university، University of Birmingha) گرانت يەگەرى اتاندى. سونداي-اق، بىرىككەن اراب امىرلىكتەرىنىڭ ۋنيۆەرسيتەتتەرىنەن دە (The British University in Dubai، Heriot-Watt University، Middlesex university، Murdoch University) ارنايى شاقىرتۋ الىپ وتىر»، - دەيدى سىنىپ جەتەكشىسى دوسقوجايەۆا ن.
ومىرلىك ارماندارىنا قانات قاعىپ، ومىرلىك ماقساتتارىنا قادام باسىپ بارادى. ءسات ساپار، جاس تۇلەك! ءومىر جولىنداعى ساپارلارىڭ ءساتتى بولعاي!