الماتىدا 1980 جىلدان باستاپ پايدالانىلعان 1،5 كم-دەن استام قۇبىر اۋىستىرىلادى
2024 جىلدىڭ 3-15 قىركۇيەگىنەن باستاپ الماتى قالاسى جەتىسۋ اۋدانى برودسكيي كوشەسىندە كازاكوۆ كوشەسىنەن اۆتوبۋس پاركىنە دەيىن كولىك قوزعالىسى جابىلادى (برودسكيي كوشەسى، 37گ)، دەپ حابارلايدى Almaty-akshamy.kz.
قوزعالىس ەكى باعىتتا دا جابىلادى.
1980 جىلى پايدالانۋعا بەرىلگەن اتالعان كوشە بويىنداعى 1502،5 مەتر ءۇشىن قۇبىردى اۋىستىرۋ كەزىندەگى جۇمىستىڭ قاۋىپسىزدىگىن قامتاماسىز ەتۋ ءۇشىن ۋاقىتشا شەكتەۋلەر ەنگىزىلەدى. بۇل قۇبىر 73 نىساندى جىلى جانە ىستىق سۋمەن قامتاماسىز ەتەدى. رەكونسترۋكسيا كەزىندە وسى اۋماقتا تۇراتىن تۇتىنۋشىلاردى ىستىق سۋمەن قامتاماسىز ەتۋ توقتامايدى.
ۋاقىتشا قولايسىزدىققا تۇسىنىستىك تانىتۋعا جانە كورسەتىلگەن ايماقتى اينالىپ ءوتۋدىڭ جولدارىن الدىن-الا ويلاستىرۋدى سۇرايمىز.