مەملەكەت باسشىسى عالىمدارمەن وتكەن جيىندا وسىلاي دەدى.
توقايەۆ بۇل ماسەلەدە عالىمدارعا باسقا ەلدەردىڭ وزىق تاجىريبەسىن مۇقيات زەرتتەپ، ۇتىمدى تۇستارىن پايدالانۋدى ۇسىندى، دەپ حابارلايدى Almaty-akshamy.kz
پرەزيدەنت وسى ءساتتى پايدالانا وتىرىپ، قازاق تىلىنە رەفورما جاساۋ كەرەك ەكەنىن ايتتى.
سونداي-اق ول اسىعىس قابىلدانعان شەشىم سالدارىنان كەتكەن قاتەلىكتەرگە توقتالدى.
"ءبىز لاتىن الىپبيىنە تەز ارادا كوشۋىمىز كەرەك دەپ، كوپتەگەن ورەسكەل قاتە جىبەردىك. مىسالى، لاتىن قارپىمەن جازىلعان بيلبوردتارعا قاراڭىزدار! بۇل – قازاق ءتىلى ەمەس، ءتىلىمىزدىڭ تابيعاتىنا جات، بۇرمالانعان ماتىندەر"، دەدى ول.
سوندىقتان "بۇل جۇمىستى عىلىم اكادەمياسىنىڭ باسشىلىعىمەن اسىعىستىققا جول بەرمەي، جان-جاقتى ويلاستىرا وتىرىپ، جالعاستىرۋ كەرەك" دەگەن پرەزيدەنت اسىعىستىقتان كەتكەن ورەسكەل قاتەنى مىسال كەلتىرە وتىرىپ ايتتى.
"تاعى دا قاتەلەسۋگە قۇقىمىز جوق. ءبىر مىسال كەلتىرەيىن. مەن بۇل ماسەلە بويىنشا قۇرىلتاي وتىرىسىندا ايتتىم. كيريلليسادا كوپتەگەن سوزدە "ى" دەگەن ءارىپ بار. مىسالى، "ىرىمشىل" دەگەن سوزدە ءۇش "ى". ءبىز ونى اۆتوماتتى تۇردە "ۋ" دەپ جازاتىن بولدىق. سوندا "ىرىمشىل" دەگەن ءسوزدى لاتىن الىپبيىندە جازاتىن بولساق، ءۇش يگرەك بولادى. بۇل قازاق ءتىلى مە؟ ونى كىم وقي الادى؟ اقىرىندا، ءتىلىمىز كيريلل الىپبيىمەن دە، ءتىپتى، لاتىن الىپبيىمەن دە جاعىمسىز كورىنەتىن بولدى. وسىنداي مىسالدار از ەمەس"، - دەدى قاسىم-جومارت توقايەۆ.
مەملەكەت باسشىسى وسى ورايدا عالىمدارعا باسقا ەلدەردىڭ وزىق تاجىريبەسىن مۇقيات زەرتتەپ، ۇتىمدى تۇستارىن پايدالانۋدى تاپسىردى.