ۇلتتىق باسكەتبول قاۋىمداستىعىنىڭ التى دۇركىن چەمپيونى مايكل دجورداننىڭ اياق كيىمى ساتىلدى.
اتاقتى باسكەتبولشى Air Jordan 13 سپورتتىق اياق كيىمىن مانسابىنداعى سوڭعى فينالدا كيگەن. اياق كيىم اۋكسيون كەزىندە 2،2 ملن دوللارعا ساتىلعان، دەپ حابارلايدى Almaty-akshamy.kz Astanatv.kz-كە سىلتەمە جاساپ.
باسىلىم مالىمەتىنشە، بۇل - سپورتتىق اياق كيىم اراسىنداعى رەكوردتىق سوما. بۇعان دەيىنگى ۇزدىك كورسەتكىش تە مايكل دجوردانعا تيەسىلى بولعان. 2021 جىلى باسكەتبولشىنىڭ تاعى ءبىر سپورتتىق اياق كيىمى 1،4 ملن دوللارعا ساتىلعان. سونىمەن قاتار اتاقتى سپورتشىنىڭ ماچ كەزىندە كيگەن جەيدەسى 10،1 ملن دوللارعا ءوتىپ كەتكەن. ايتا كەتەيىك، مايكل دجوردان 2003 جىلى مانسابىن اياقتاعان. ول "چيكاگو" كلۋبى ساپىندا ۇلتتىق باسكەتبول قاۋىمداستىعىنىڭ التى دۇركىن چەمپيونى اتانعان.
بۇدان بولەك باسكەتبولشى اقش قۇراماسىمەن بىرگە ەكى مارتە وليمپيادا جەڭىمپازى بولدى.