لاگەرلەردىڭ جازعى ماۋسىمعا دايىندىعى باقىلاۋدا.
بالالاردىڭ جازعى دەمالىسىن ۇيىمداستىرۋ بويىنشا جول كارتالارى ازىرلەندى، دەپ حابارلايدى aqshamnews.kz
دەنساۋلىق ساقتاۋ مينيسترلىگىنىڭ سانيتاريالىق-ەپيدەميولوگيالىق باقىلاۋ كوميتەتىنىڭ مالىمەتىنشە، بيىلعى جىلى بالالاردى ساۋىقتىرۋ ۇيىمدارىن (لاگەر) ماۋسىمعا ۋاقىتىلى دايىنداۋ ماقساتىندا كوميتەتتىڭ اۋماقتىق بولىمشەلەرى اكىمدىكپەن بىرلەسىپ، بالالاردىڭ جازعى دەمالىسىن ۇيىمداستىرۋ بويىنشا جول كارتالارىن ازىرلەپ بەكىتتى.
جول كارتالارىن ىسكە اسىرۋ شەڭبەرىندە:
- بالالار دەمالىسى وبەكتىلەرىنىڭ سانيتارلىق-تەحنيكالىق جاي-كۇيىن باعالاۋ جونىندەگى ۆەدومستۆوارالىق كوميسسيالاردىڭ جۇمىسىن ۇيىمداستىرۋ؛
- لاگەر قىزمەتكەرلەرىمەن وقىتۋ جانە ءتۇسىندىرۋ ءىس-شارالارىن وتكىزۋ، سونداي-اق دايىندىقتان باستاپ اۋىسىم اياقتالعانعا دەيىنگى بارلىق كەزەڭدەردە سانيتارلىق-ەپيدەميولوگيالىق تالاپتاردىڭ ورىندالۋىن باقىلاۋ؛
- بالالاردىڭ تاماقتانۋ، سۋمەن جابدىقتاۋ، مەديسينالىق قىزمەت كورسەتۋ جانە تۇرۋ جاعدايلارىنىڭ ساپاسىن باقىلاۋ كوزدەلۋدە.
بۇگىندە كونسۋلتاسيالىق كومەك كورسەتۋ ءۇشىن ءار لاگەرگە سانيتارلىق-ەپيدەميولوگيالىق قىزمەت ماماندارى بەكىتىلدى، ولار 191 لاگەر وكىلدەرىنە كەڭەس بەردى.
جول كارتالارىن ىسكە اسىرۋ بويىنشا مونيتورينگ كوميتەتتىڭ باقىلاۋىندا.
قازىرگى ۋاقىتتا كوميتەتتىڭ اۋماقتىق بولىمشەلەرىنىڭ اتىنا سانيتارلىق-ەپيدەميولوگيالىق قورىتىندى (سەق) الۋعا 29 ءوتىنىش كەلىپ ءتۇستى، ونىڭ 8ء-ى سەق الدى، 17ء-سى قارالۋدا، 4-نە دالەلدى باس تارتۋ بەرىلدى.
دالەلدى باس تارتۋدىڭ نەگىزگى سەبەبى – قۇجاتتاردىڭ تولىق ەمەس پاكەتىن ۇسىنۋ، اتاپ ايتقاندا جارىقتاندىرۋ حاتتامالارىنىڭ، ميكروكليماتتىڭ، سۋدى ۆيرۋسولوگيالىق زەرتتەۋدىڭ جانە وبەكتىنىڭ تەحنيكالىق پاسپورتىنىڭ بولماۋى.
اپتا سايىن جاڭارتىلاتىن سەق العان لاگەرلەر تىزىمىمەن كوميتەتتىڭ سايتىندا تانىسۋعا بولادى.
سونىمەن قاتار كوميتەت جەدەل جەلى 8-7172-74-27-05 ۇيىمداستىردى، وندا لاگەرلەردىڭ جۇمىسىندا قانداي دا ءبىر بۇزۋشىلىقتار انىقتالعان كەزدە شاعىمدانۋعا بولادى.