كۆي جۇقتىرعانىڭىزدى انىقتايتىن بەتپەردە كەرەك پە؟

امەريكالىق ساراپشىلار ەرەكشە بەتپەردە ويلاپ تاپتى، ول ماسكا تاققان ادامنىڭ كوروناۆيرۋستىڭ جاڭا ءتۇرىن جۇقتىرعان-جۇقتىرماعانىن انىقتاي الادى.

بۇل تۋرالى دۇيسەنبىدە ماسساچۋسەتس تەحنولوگيالىق ينستيتۋتىنىڭ سايتىندا جاريالانعان ماقالادا ايتىلعان، دەپ حابارلايدى Almaty-akshamy.kz تاسس-قا سىلتەمە جاساپ.

ينستيتۋت ماماندارى گارۆارد ۋنيۆەرسيتەتىنىڭ ارىپتەستەرىمەن بىرلەسىپ جاساعان ماسكانىڭ الىنبالى سەزبەگى (داچيك) بار. ول سەزبەكتى زەرتحانا قىزمەتكەرىنىڭ حالاتىنا نەمەسە باسقا دا كيىمگە تىگۋگە بولادى.

سەزبەك بەتپەردەنى تاققاننان كەيىن شامامەن ءبىر جارىم ساعات وتكەن سوڭ ناتيجە بەرەدى. ونىڭ كورسەتكىشتەرىن  اينالاداعى ادامدارعا كورىنبەيتىندەي ەتىپ قوسۋعا بولادى.

باسىلىمنىڭ مالىمەتىنشە،  وسىنداي سەزبەكتەر بىرنەشە جىل بۇرىن جاسالعان جانە بۇعان دەيىن ەبولا جانە زيكا ۆيرۋستىق ينفەكسيالارىن انىقتاۋ ءۇشىن قولدانىلعان. ونى باسقا ۆيرۋستاردى دا انىقتايتىن ەتىپ وزگەرتۋگە بولادى.

فەدەرالدى جانە جەرگىلىكتى ورگانداردىڭ اقپاراتتارىنىڭ نەگىزىندە قورىتىندى شىعاراتىن دجون حوپكينس ۋنيۆەرسيتەتىنىڭ مالىمەتتەرى بويىنشا،  ەپيدەميا باستالعاننان بەرى اقش-تا كوروناۆيرۋستىق ينفەكسيانىڭ 33،6 ميلليوننان استام جاعدايى انىقتالىپ، 604 مىڭنان استام ادام قايتىس بولعان.