پسيحولوگ كۇزگى كۇيزەلىسكە ءتان بىرنەشە بەلگىنى اتادى
كۇزدە كۇننىڭ قىسقارۋى، D دارۋمەنىنىڭ جەتىسپەۋشىلىگى جانە ۇزاق كۇتىلەتىن دەمالىسقا دەيىنگى ۋاقىتتىڭ ۇزاقتىعى ادامنىڭ ەموسيونالدى جاعدايىنا كەرى اسەر ەتىپ، ماۋسىمدىق كۇيزەلىسكە اكەلۋى مۇمكىن، - دەپ حابارلايدى Aqshamnews.kz ءتىلشىسى.
بۇل تۋرالى پسيحولوگ ولگا رومانيۆ Life.ru سايتىنا بەرگەن سۇحباتىندا ايتتى.
ماماننىڭ ايتۋىنشا، كۇزگى دەپرەسسيانىڭ نەگىزگى بەلگىلەرىنىڭ ءبىرى - زەيىن قويۋدىڭ قيىنداۋى مەن ۇيقىشىلدىقتىڭ ارتۋى. سەبەبى كۇز مەزگىلىندە ادامنىڭ تابيعي بيولوگيالىق ىرعاقتارى بۇزىلىپ، مەلاتونين (ۇيقى گورمونى) ەرتە بولىنە باستايدى. سونىڭ سالدارىنان ءتىپتى 8 ساعات ۇيىقتاعان ادامنىڭ ءوزى شارشاڭقى كۇيدە ويانادى.
كۇيزەلىستىڭ باسقا دا بەلگىلەرى بار. ولار:
- تاعامعا دەگەن قاتىناستىڭ وزگەرۋى – تابەتتىڭ تومەندەۋى نەمەسە كەرىسىنشە، ارتىق تاماقتانۋ؛
- حوببيگە، كۇندەلىكتى قۋانىش سىيلايتىن ىستەردەن سۋىپ كەتۋ؛
- تۋىستارمەن جانە دوستارمەن ارالاسۋعا دەگەن قۇلشىنىستىڭ جويىلۋى.
ولگا رومانيۆ كۇزگى كۇيزەلىستى جەڭۋ ءۇشىن مىناداي پايدالى داعدىلاردى ۇستانۋعا كەڭەس بەرەدى:
كەشكى 23:00-گە دەيىن ۇيىقتاپ، كەمىندە 8 ساعات ۇزدىكسىز ۇيىقتاۋ؛
كۇن سايىن تازا اۋادا كەمىندە 1 ساعات سەرۋەندەۋ؛
كوكونىس، جەمىس-جيدەك، جاسىل شوپتەر مەن اشىتىلعان ءسۇت ونىمدەرىن تۇتىنۋدى ارتتىرۋ؛
جۇمىس ورنىندا جانە ۇيدە تابيعي جانە جاساندى جارىقتىڭ جەتكىلىكتى بولۋىن قاداعالاۋ؛
جاقىن ادامدارمەن قارىم-قاتىناستى ۇزبەۋ، ءتىپتى، سويلەسۋگە كوڭىل سوقپاسا دا، ارالاسۋعا تىرىسۋ.
مامان كۇزگى كۇيزەلىستى ۋاقىتىندا بايقاپ، الدىن الۋ – پسيحيكالىق دەنساۋلىقتى ساقتاۋدىڭ ماڭىزدى قادامى ەكەنىن ەسكەرتەدى.